Tve-t Dili, 09/05/2024 – Relasiona ho Selebrasaun Loron Mundiál Lian Portugués ne’ebe mak selebra iha salaun IAN Martin, Institutu Nasionál Formasaun Dosentes no Profissionais Edukasaun (INFORDEPE) Balide, Tersa (07/05/2024) ho tema: “Um Património Para O Futuro”. Maka Fundu Dezwmvolvimemtu Capitál Humanu FDCH Deklara katak Kontribui ba Dezemvolvimentu Lian portugues liu husi Haruka Bolseru sira ba estuda nasaun CPLP sira.
Reprezentante Fundo Desenvolvimento Capital Humano (FDCH), Moises Soares esklarese, FDCH harii iha tinan 2011 atu kapasita reskursu umanu Timoroan sira nian iha área estratéjiku dezenvolvimentu, ezekuta ona papél importante iha konsolidasaun no dezenvolvimentu Lian Portugés nu’udár lian ofisiál TL nian tuir Konstituisaun RDTL.
“Durante ezisténsia, FDCH kapasita ona funsionáriu públiku sira hosi instituisaun Estadu nian liuliu iha formasaun téknika no kursu Lian Portugés iha seitór justisa, haruka ona juis sira hala’o estájiu profisionál iha instituisaun judisiária sira iha Portugál inklui finansia ona kursu Lian Portugés bá diplomata no ofisiál sira seluk iha Ministériu Negósiu Estranjeiru no Kooperasaun (MNEK)”.
Diretor ne’e hateten Minsiteriu Edukasaun ne’e mos FDCH parseria liu liu ho INFORDEPE hodi promove Lian Portugés no finansia ona liu husi loke formasaun inisiál oioin, kontinua bá professór sira, projetu formasaun no daudaun finansia hela projetu Pro-Portugés bá profesór sira iha nível edukasaun primária to’o sekundária.
FDCH mós finansia ona bolsa estudu bá professór sira hosi Universidade Nasionál Timor Lorosa’e (UNTL) na’in-196 ne’ebé daundaun ne’e hala’o estudu iha Brasil no Portugál.
“Desde 2021, FDCH oferese programa hanorin Lian Portugés bá professór sira iha universidade privada sira no desde tinan 2022 oferese bolsa estudu bá professór sira ne’ebé sériu iha kursu ne’e no iha tinan 2022 to’o 2024, FDCH haruka professór na’in-44 bá Portugál no na’in-35 bá Brasil”. Hatetn nia.
Nia hatutan Hosi tinan 2011 to’o 2023, FDCH haruka ona bolseiru na’in 693 bá Portugál, hosi númeru ne’e bolseiru na’in-324 bà Brasil, na’in-49 bå Cabo-Verde, na’in-35 bá Mosambique ne’ebé hala’o estudu iha área defeza-seguransa no dezenvolvimentu estratéjiku oin-oin.
Tanba ne’e Moises Soares hanesan Reprejentan FDCH ne’ebe mak partisipa iha Selebrasaun Loron mundial Lian Portuges ne’e konsidera atividade ne’ebe halo ona sai hanesan kontribuisaun FDCH nian bá promosaun Lian Portugés iha nasaun ne’e no iha futuru sei haruka tán rekursu Timoroan nian partisipa formasaun oioin iha nasaun sira CPLP.
