Tve-t Dili, Segunda-Feira 03/06/2024 – Polisia Nasionál Timor-Leste (PNTL) liu husi Komandante PNTL Munisipiu Dili, Superintidente Xefe Polisia Orlando Gomes hateten, Durante Fulan Maiu ne’e PNTL rejistu Kazu Asidente Trafiku Hamutuk 110 nune’e komando Munisipiu Dili sei orienta hali operasaun iha Tempu kalan liu-liu ba Fatin ne’ebe sai risku ba Dezastre.
Kauza husi Asidente hirak ne’e, Tanba Motorista Lori motor ho kareta Konsumu Alkohol no mos Kondisaun Motor ho kareta ladun di’ak nune’e mak mosu Asidente Trafiku.
“Komandu Munisipál Dili relata ba kazu asidente hahu husi loron 1 Fulan maiu ba to’o loron 31 fulan maiu ita registu kazu asidwnte hamutuk 110 husi Kazu hirak ne’e regista ema nain ida mate, Kanek kaman hamutuk 95, kanek Grave hamutuk 18” Hateten Komandante PNTL munisipiu Dili, superintidente xefi polisia Orlando Gomes iha Kaikoli Dili.
Nia hateten kazu hirak ne’e kazu balun iha ona Ministeriu Públiku no kazu sira balun resolve entre Familiar.
“ iha kazu hirak ne’e iha kazu balun ita prosesa ba iha Ministeriu Públiku no kazu barak liu maka resolve Familiár atu Resolve Familiàr ne’e hetan akompanha direta husi Polisia Tranjitu inklui hasai karta akordu husi Tranjitu”. Hateten nia .
Nia hateten liu husi kazu hirak ne’e, dadaun ne’e iha kazu ida maka prosesu ona iha Tribunál Rekursu, enkuantu Kazu sira seluk sei pendente hela no kazu balun resolve ona lih husi Familiár.
Komandante ne’e hateten liu husi Asidente hirak ne’e Orienta ona ba iha polisia Tranjitu, atu halo Autodestop Cek Point, iha tempu kalan no tempu loron iha munisipiu Dili, atu bele preve no evita atu nune’e bele hamenus númeru Asidente iha monisipal Dili.
Alende ne’e mos Komandu Munisipiu Dili kolabora ona ho Unidade Espesial Polisia (UEP), Unidade Polisia Marítima (UPM) hodi halo operasaun la’o ain tama bairo sai baito iha Dili laran, liu liu iha Tempu kalan, hodi haree ba iha Asidente sira ne’e mak sempre mosu iha tempu kalan.
