Tve-t Dili, Quarta-feira 06/06/2024 – Primeiru Ministru Kay Rala Xanana Gusmão Hirus ba Joven Timor oan Sira ne’ebe Hafoer Fatin santurio Fatima Portugal Ho Ran ne’ebe mak resulta ema nain ida mate, Xanana apelu sei taka Arte Marsial Ho Arte Ritual iha Timor.
“ Hodi halo apelu ida bá joven sira iha li’ur katak, iha ne’e sira mak hatudu duni katak, ita tenke taka duni. Taka duni arte-marsiál tanba iha ne’e ta’uk karik dehan polísia mós sai tiha ona hosi arte-marsiál, F-FDTL mós sai tiha ona, buat ruma ne’ebé sira kaer, bá oho malu fali iha ema nia rain. Ne’e-duni, ida-ne’e maka ami hanesan informa mós no Prezidente Repúblika mós hatene kona-bá ida-ne’e,”. Hateten Primeiru Ministru Kay Rala Xanana Gusmão hafoin Hasoru malu ho Presudente Repùblika José Ramos Horta iha Palasiu Presidente Bairo Pite Dili.
Primeiru Ministru ne’e hateten iha Fulan Setembru Guverno Taka kansela tiha atu taka nune’e Reduz ona problema iha fatin fatin maibe Joven sira lori Arte marsiai ne’e ba halo Problema iha ema nia rai.
“Saida mak akontese iha fatima Timor oan sira iha ne’e akompaña katak, Husi Setembru ne’ebe kansela tia la bele la’o la bele halo buat ida, neneik neneik to’o agora komesa reduz ona violensia entre Jovens tanba Artes marsiais. Ida mak Grupu Arte-Rituál Sete-Sete 77 hasoru Persaudaraan Setia Hati Terate PSHT, Nune’e, to’o iha Dezembru, Ita hotu kontente tebetebes, tanba fim do ano ne’e kalma liu, to’o ohin loron mós kalma Laiha tán hanesan uluk semana-semana dehan oho malu”. Hateten PM Xanana.
Enkuantu Violénsia ne’ebé akontese iha Fátima-Portugal, iha loron Domingu foin lalais ne’e, ne’ebe maka deskonfia envolve husi grupu arte-marsiál GAM ho grupu arte-ritual GAR ne’e mak daundaun ne’e hamoe Timoroan hotu nia naran no hamonu integridade Timoroan iha ema nia rain no hanesan mos sarani kristaun Katóliku.
Primeiru Ministru ne’e mos afirma katak, joven sira ne’e ba tiha Portugal ne’eba, sira lori fila fali Sete-Sete mak halo problema iha ema nia nasaun. Problema arte Marsial sira ne’e uluk ba halo Jura tun sae ikus halo problema iha Ne’e loron ida fo hatene tiha ona bá sira.
Iha akontesimentu ne’ebe mak iha fatima Portugal resulta ema ida mate no nain lima kanek no daundaun ne’e Prosesu iha hela Polisia Judisial nia liman.
Tanba ne’e Guverno liu husi reuniaun Konsellu Ministru, Kuarta ne’e, haree ona mos katak, atu oinusá Husi Ministériu Solidariedade Sosiál no Inkluzaun MSSI, prepara karik mat- isin ne’e atu lori mai, prontu, lori tiha mai, entrega tiha bá família.
Xanana konta katak, iha tempu funu, inan-aman sira, avo sira mate tanba hakarak rai ne’e ukun-aan, Ukun-aan tiha, maluk balun bá jura fali Bandeira Merah Putih, ba Sete-Sete, Dua-dua 22, KORK, saida-saida, mai hanorin ita nia rai, imi mesak joven de’it, imi nia maluk sira para hurlele malu, estraga malu.
