Tve-t,Dili : (18/06/2024) – Vice Primeiru Ministru no Ministru koordenador assuntu sosiais, Ministru dezenvolvimentu Habitasaun komunitaria Marianu Assanami Sabinu Lopes hato’o agradese no parabeniza ba komunidade musulmanu ne’ebe selebra loron Idul Adha Minal Aidin Walfaizin ne’ebe mak halo sira nia sakrifisiu hodi oferese balada sira ne’ebe sira oho hodi fahe ba komunidade kbiit laek, ferik katuas no joven sira.
“No balada ne’ebe sei oho hodi fahe ba komunidade sira mak hanesan karau no bibi laos iha mejid anuur ne deit mak selebra loron ida nee maibe maluk mulsumanu sira iha fatin seluk mos oferese hanesan ne ba komunidade sira,no tinan ida nee sira tau hanesan tinan halo sakrifisiu ba ema sira hotu no tinan nee mos sira hakarak halo solidariedade ba ema sira hotu,”Dehan Marianu Assanami Sabinu Lopes ba jornalista sira iha Mejid Anu’ur.
Governante ne’e afirma, iha futuru sei fo apoio ba mejid anuur ne’ebe mak oras ne’e dadaun kondisaun komesa att ba dadauk, tamba durante ne’e governu sempre fo apoio ba religiaun sira ne’ebe eziste iha Timor leste.
“Husu mos ba religiaun sira hotu hodi formasaun karakter ne’e importante tebes ba povu ida ne’ebe badinas no mos ba oan sira neebe mak esperansa no iha hanoin ne’ebe mak diak hahalok saudavel hodi bele kontribui ba estadu ne’ebe mak saudavel ida ne’e mak importante tebes hahu husi ida ne’e tenki fo formasaun sira nee ba sira” Assanami salienta.
Tamba hamosu fidelijasaun ida ne’e tenke respeitu malu no hadomi malu solidariu apoio malu no sei halo mos dialogu entre religiaun sira, governu mos sei halo dialogu tamba liu husi dialogu ne’e sira bele kontribui ativu ba prosesu dezenvolvimentu hodi kontinua hato’o sira nia opiniaun sira ba iha estadu no dezenvolvimentu ba Nasaun.
Enkuantu Dialogu hirak ne’e la’os halo entre partidu politiku sira no NGO sira deit maibe instituisaun religiosu sira mos neebe mak luku an hela hamutuk ho povu sira dalaruma koalia ho lian neebe mak la lian no ida nee mak objetivu prinsipal vice primeiru ministru neebe mak tama konta ba iha area turais.
