Tve-t Dili, Tersa-feira (18/06/2024) – IX Governu ne’ebé lidera husi Primeiru Ministru kay Rala Xanana Gusmão susesu halo festa/seremoniál enkuantu prestasaun servisu minimu tanba ejekusaun Orsamentu Jerál Estadu (OJE) 2024 nia presentagen kiik, fulan neen (6) ona foin atinji porsentu 28.1 %.
Deputada Bankada FRETILIN, Lidia Norberta Martins iha plenária Parlamentu Nasionál loron 18 Juñu 2024,preokupa tanba iha OJE 2024 aloka osan atu rejolve problema sosiál no ekonómia maibé ate agora seidauk rejolve tanba ejekusaun OJE minimu tebés.
“Se ita hare ba ejekusaun orsamentu tinan 2024, ninia ejekusaun agora fulan juñu ona maibe nia ejekusaun presentagen sei kiik,” dehan Deputada Lidia.
Realidade, Tuir Deputada Lidia katak, osan aloka iha OJE 2024 ho objetivu atu rejolve problema no dezenvolvimentu maibé esperansa ne’e la akontese.
“Ita aloka osan la akontese (buat ida) realidade mak ita hare seremonia mak akontese barbarak, governasaun ida ne’e seremonia barak tebtebes, kada seremonia ofisial deit iha despeza gaasta ida makas, ita nia problema mak ne’e alokasaun orsamentu iha area sira seluk ne’e ita la ejekuta, Iha aprezetasaun orsamentu jeral estadu 2024 la hatete detallu konaba gastu osan bas aida, agora mai ita hare osan ne’e ba liu fali seremonia mak barak. Governasaun ida ne’e, governasaun de seremonia,” dehan Lidia.
Nia sailenta tan katak, problema folin fos ne’ebé to’o ohin loron Governu la konsege kontrola, folin sasan sempre sae, maibé kualker governasaun tenki buka ekilibra situasaun ne’e, hanesan fó osan subsidiu ba kompaiña maibé la ekilbra ho produsaun.
Hatan ba preokupasaun ne’e, Vice Ministru Assuntu Parlamentar Aderito Hugo da Costa hateten, seremonia sira ne’ebé akontese mak seremonia lansamentu ba obra sira ne’ebé mak IX governu hakarak hahu no Seminariu ne’e realiza barak liu husi instituisaun autonomia ka Privadu Sira.
