Tve-t Dili, (19-06-2024) – Prezidente Repúblika (PR) José Ramos Horta rekomenda ba figura foun Komisariu Komisaun anti korupsaun (CAC) Rui Perreira, ne’ebe Governu Deside ona hodi lidera CAC, atu servisu ho imparsial atu nune’e kontribui duni ba kombate korupsaun ho dignu iha Rai Laran.
“Nia Ema di’ak maibe buat Ida Mak ha’u hakarak rekomenda maka’as Mak favor hare Didiak ba buat ne’ebe importante Duni, Primeiru ajuda Kontribui Duni para Hametin kombate korupsaun maibe HO mekanismu ideias rekomensaun hotu Laos atu halo fali persegisaun hánesan polisia. Segundu estuda didiak la’os buat hotu sai korupsaun por ezemplu ministru ida Sosa ekipamentu depois hare ekipamentu ne’e sala, depois halo investigada no Dehan ne’e korupsaun Maibe ne’e lae, Tamba dalaruma Ita Nia governu no Ministru Sira ne’e Ema husi liur maka bosok Sira Hánesan uluk ákontese ho Ministru Ida iha Glenu tinan Hirak Nia Laran maibe kompania Austrália Mak fa’an ekipamentus Hafoin bosok fali Ita. Momentu ne’eba Governu asiona ativa sistema judiciário iha Austrália kontra kompania ne’e Lae maibe Ita Nia elementu Ida vítima Nia Mak ba fali kadeia”, Horta dehan ba Jornalista Sira iha salaun MNEK (19/06).
Horta Konfirma, hare ba buat balun la’os korupsaun maibe iha balun ne’ebe inesperensia no negligência, ne’e Laos korupsaun, nune’e nia apoiu desijaun lei ne’ebe governu muda atu bele hetan maioria konsensu husi parlamentu nasionál
“Ha’u konkorda no apoiu 100% Lei ne’ebe Governu muda maioria dois tersus hodi hili Komisariu nian”, Horta dehan.
Enkuantu iha loron 22 fulan-Abríl 2024, Parlamentu Nasionál aprova ona proposta Lei, 2ª alterasaun bá Lei n°8/2009/ 15 de jullu kona-bá Komisaun Anti-Korrupsaun, iha finál globál hodi haruka bá Prezidente Repúblika no ikus-mai hetan promulgasaun.
