Tve-T Dili, Segunda-Feira 24/06/2024 -Bankada Opojisaun Frente Revolusionariu Timor-Leste Independente (FRETILIN), Liu Husi Plenariu Segunda-Feira Ne’e Husu Ba IX Guverno Konstituisional Atu Resolve Projetu Hamutuk 143 Ne’ebe Mak Daundaun Ne’e Konsege Resolve Ona 80% No Falta Projetu Hamutuk 28 Mak Sedauk Resolve.
Deputada Bankada FRETILIN Maria Anabela Sávio Iha Nia Intervensaun Ne’e Hateten, Públiku Hotu Hatene Katak Iha Fim Do Mandato VI Governu Nian, Ministru Balu Fo Projetu Ilegal La Tuir Prosedimento Ne’ebé Lei Haruka Ba Kompania Local Sira Balu, Iha Projeitu 143 Ne’ebé Mak Sai Tiha Problema Tanba La Tuir Procedimento Aprovisionamentu No Laiha Fontes De Finansiamentu Nian Iha OGE 2017.
“ Iha VIII Governu Nia Ukun, Governu Konsege Resolve Ona 80% Hosi Total Projeitu 143 Ida Ne’e, No Hela Projetu 28 Mak Sidauk Resolve, Maske Ita Hotu Hatene Katak Ajudikasaun Projeitu Ho Baze Favoritismu Ne’e Halo Estadu Tenke Lakon Tempu No Osan Durante Ne’e, Maibe Pratika Ida Ne’e Kontinua Lao No Buras Liu Tan. Foin Dadauk Ne’e, Ministro Obras Publicas Apresenta Ba Parlamentu Nasional Katak Iha Tan Projeitu Foun 34 Seluk Ne’ebe Presiza Mos Atu Selu Hosi Orsamentu Estadu”. Hateten Deputada Maria Anabela Sávio Iha Uma Fukun Parlamentu Nasional Segunda-Feira 24/06/2024.
Nia Deklara Katak, IX Governu Kria Hela Enkuadramentu Legal Ida, DECRETO-LEI N.º 15 /2024 De 20 De Março Atu Halo Fo Kontratu Por Ajuste Direito Ba Projeitu Sira Ne’ebe Laiha Formalizasaun Kontratual. Ministru Ida Ne’ebe Fo Projeitu Ilegal Sira Ne’e Mak Kontinua Suporta Decreito Lei Ida Ne’e Atu Hamoos Nia Aktu Violasaun Prosedimentu Aprovisionamentu Nee’ebe Nia Komete Iha Tinan 2017 No Durante Tinan Ida Ikus Ne’e.
“ Ita Nia Rejime Juridico Aprovisionamentu Nian Define Momos Iha Artigu 42 Konaba Oinsa Kompañ Ida Bele Hetan Ajuste Direitu Ida. Infelizmente, Projeitu Sira Ne’ebe Mensiona Iha DECRETO-LEI N.º 15 /2024 De 20 De Março Ne’e La Kumpre Rekizitus Legal Sira Ne’ebe Estipula Iha Ita Nia Rejime Jurídiku Aprovizionamentu”. Hateten Nia .
Deputada Ne’e Konfirma Tan Katak, Konflitu Ba Interese No Potensia Ba Korrupsaun No Abuju De Poder Mosu Iha Decreto-Lei Ida Ne’e. No Korupsaun Mak Iha, Exemplu Mak Hanesan Projetu Imprestimu Halo Estrada Diresaun Lautem Lospalos Villa Tempu Oitavo Guverno Liu Husi Prosesu Naruk Ida Gasta Osan Lubuk Ida Hodi Halo Dezenho No BOQ Hein Atu Implementa Deit Maibe Guverno Atual La Konsidera Hodi Kontinua Maibe Guverno Tenke Hasai Tan Osan Hodi Halo Tan Dezenho Foun,Ministériu Públiku Ba Futuru, (KAK) Ne’ebe Sei Mai Ne’e La Taka Matan Ba Evidénsia No Pratika Korrupsaun Ida Ne’ebe Momos Hela Ne’e.
Alende Ne’e Iha Lei Ezekusaun OGE 2024 Ne’e Ko’alia Momos Katak Prosedimentu Aprovizionamentu Obrigatóriu Ba Ezekusaun Despeza Ho Baze Ba Kontratu Públiku. No Komprimisiu Atu Halo Pagamentu Ne’e Akontese Bainhira Iha Ona Kontratu Antes Implementa Obra, Ka Halo Despeza Sira Ne’ebé Mai Husi Kontratu. Ne’e La Hanesan Ho Halo Tiha Despeza Mak Foin Bele Asina Kontratu.
Karik IX Governu Hakarak Hatudu Nia Komprimisiu Atu Selu Projetus Illegal Sira Ne’e, Dalan Seluk Ne’ebe Foti Mak Husu Desizaun Judisiál Hosi Tribunal Atu Bele Haforsa Prinsipiu Anti Korrupsaun Nian Duke Atraves Produtu Politiku Hanesan Dekretu-Lei Ne’ebe Nakonu Ho Intensaun Korrupsaun.
Enkuantu Iha IX Governu Kria Atu Fó Dalan Hodi Konsidera Projetu Ilegal Sira Ne’ebe Governu Cnrt Komete Iha Tinan Hirak Liu Ba Maibé Keta Konsidera Deit Ema Ne’ebé Imi Konhese No Ignora Ba Ema Ne’ebé Imi La Konhese, Hanesan Projetu Ida Iha Viqueque, Kompaña Timor-Leste Konstroi Estrada Watulari Samogo Laisoru Lay, Rezultadu Obra Refere Atinji Ona Liu 10% Maibé Latama Iha Lista Verifikasaun, Iha Liquiça Kompaña Mileha Naupai, Konstroi Estrada Lauhata (Bazartete), Obra Refere Atinji Ona 28% Maibe La Tama Mos Ba Lista Verikasaun Hodi Selu, Depois Iha Lautem, Posto Lore, Kompaña Tahi Calu Construction, Iha Tempo Vlll Governu, Inkéritu Parlamentar Verifika Ona Obra Refere Atinji Ona 8% Maibe Rejultadu Verifikasaun Ikus Hetan Fali 0.41 % Perguntas Mak Ne’e Tanba Sá Mak Kompaña Hirak Ne’e La Tama Ba Lista Projetu 34 No Hatun Fali Pursentu Rejultadu Obra Ne’ebé Agora Dadaun IX Governu Indentifika Fali Ona Hodi Planu Alokasaun Orsamentu Ba Tinan 2025.
