Tve-t Dili, Segunda-Feira 01/07/2024 –Relasiona ho politika IX Governu nian liu husi Ministra Edukasaun Dulce De Jesus nia Vizita eskola sira iha tinan 2023 hodi promete ba estudantes sira iha Ensinu Filial 12 outubru tasi tolu, iha amibitu ne’eba nia promote sei konstrui eskola refere ho andar rua iha tasi tolu durante nia ukun.
Ho nune’e Bankada FRETILIN liu husi Deputada Sancia paixão Bano deklara katak, Ministra Edukasaun promete durante nia mandatu sei rezolve problema infraestrutura báziku, meja, kadeira no mos sei halo konstrusaun eskola hodi aumenta sala de aula hodi bele akumula estudante hotu tuir apriendezajen tamba ne’e Bankada FRETILIN hakarak hatene Ministeriu Edukasaun apoiu ona Meja no kadeira hira ona ba eskola sira.
“Ministra edukasaun dehan atu hadia merenda escolar iha teretoriu ho nune mak ami husu ba IX governu hadia merenda escolar to’o ona iha ne’ebé mak iha munisipiu eskola barak seidauk implementa merenda escolar to’o ohin loron serake tranferensia osan ba merenda escolar mak seidauk ba eskola sira atu amplementa ka oinsa?, Ami sei lembra Ministra Edukasaun mos promete, atu hari’i eskola filial 12 outubru tasi tolu ho andara rua ne’e nia prosesu konstrusaun lao oinsa ona? “Hateten Deputada Sancia Paixão Bano iha uma fukun Parlamentu Nasionál PN segunda-Feira 01/07/2024.
FRETILIN hakarak husu ba IX Governu kona ba projeto de resolução Nù 38/VI/1, ne’ebé Parlamentu Nasional Aprova iha 17 fulan maiu 2024 ne’e, atu fo solusaun ba problema professores kontratadu sira atu nune bele kontinua hanorin hikas estudantes sira maibe ministeriu edukasaun la uja rezolusaun ne’e hodi rezolve problema ne’e tamba Saa?.
Tanba ne’e FRETILIN hanoin katak la tempu ona atu ita dun malu ka hatudu liman bebeik ba malu se mak salah maibe ba asuntu edukasaun favor ida hare ho seriu tamba ne’e ita trata asuntu ne’ebe liga ho rekursu umanu ka ita bele dehan riku soin povu Timor Leste nian mak jerasaun ida ne’ebe ho kualidade edukasaun diak.
“IX governu ida ne’e lakon moral atu liberta povu iha era ukun rasik an ida ne’e no governu tenta nafatin taka dalan ba povu maubere nian oan sira atu bele asesu ba edukasaun. Iha ne’e atu lori it aba hanoin hikas premeiru ministru nian dekalrasaun iha ambitu apresentasaun orsamentu jeral 2024, ne’e hateten katak IX governu sei hamenus desigualidade no dezenvolve programa “lian ba lian laek sira” serake meus ida muda bolsa hakbi’it ba bolsa parsial ida ne’e mak dalan ba rezolve desigualidade ou dezenvolve lian ba lian laek sira!”. Tenik Deputada Sancia .
Tuir diplama Ministerial no.9/2021, 10 de Marsu, VIII Governu Konstituisional oferese bolsa ho tipu integral ka hakbi’it ba estudante sira ne’ebé kategoria Inan-Aman laiha kbi’it, hodi tulun kbi’it laek nian oan sira bele asesu ba universidade iha rai laran. Ho Diploma ministerial ida ne’e mak fo espasu ba povu kbi’it laek nian oan sira bele asesu ba universidade no institutu sira iha rai laran no benefisiariu ba bolsa hakbi’it ne’e hamutuk 3.030 estudantes.
IX Governu ne’ebé lidera husi Xanana Gusmão kria diploma ministerial nu. 11/2024, loron 7 fulan fereiru, hodi muda bolsa hakbi’it ba bolsa parsial ne’e lajustu no konsidera diploma ida ne’e sei taka dalan ba povu kbi’it laek nian oan sira atu asesu ba univeridade ka institutu sira iha rai laran. Liu husi diploma ministerial ne’ebé IX governu kria ne’e ho intensional hamate estudantes hamutuk 3.030 nian vontade atu estuda no IX governu rasik mak lakoi fo espasu ba povu kbi’it laek nian oan sira atu eskola iha nivel universidade.
“Iha biban ida ne’e ami husu ba IX governu liu husi ministeriu planeamentu investimentu estratejiku no sekretariu estadu fundu dezenvolvimentu Capital Humanu atu kasenla imediata ba dezisaun hakarak muda politika bolsa hakbi’it ba bolsa parsial ne’ebé sei hamate mos povu kbi’it laek nian oan nia futuru no dezisaun ne’e sei la fo benefisiu diak ba povu kbi’it laek nian oan sira”.hateten nia.
