Tve-t – Dili : Kuarta feira (24/07/2024) – Primeiru-Ministru (PM), Kay Rala Xanana Gusmão lansa livru ho tema, Simone Weil: o sofrimento, a colonialização e o desenraizamento um olhar sobre o Timor Leste ho pájina 166 ne’ebé hakerek hosi Martinho Borromeu.
Primeiru-Ministru hato’o parabéns no kongratula autór tanba konsidera hanesan timoroan ida ne’ebé ho matenek ho hanoin ne’ebé di’ak hakerek kona-bá sofrimentu no kolonializasaun.
“𝐋𝐢𝐯𝐫𝐮 𝐧𝐞’𝐞𝐛𝐞́ 𝐡𝐚𝐤𝐞𝐫𝐞𝐤 𝐡𝐨𝐬𝐢 𝐌𝐚𝐫𝐭𝐢𝐧𝐡𝐨 𝐁𝐨𝐫𝐫𝐨𝐦𝐞𝐮 𝐡𝐚𝐧𝐞𝐬𝐚𝐧 𝐦𝐨𝐭𝐢𝐯𝐚𝐬𝐚𝐮𝐧 𝐢𝐝𝐚 𝐛𝐚́ 𝐨𝐚𝐧 𝐬𝐢𝐫𝐚, 𝐥𝐢𝐮–𝐥𝐢𝐮 𝐮𝐧𝐢𝐯𝐞𝐫𝐬𝐢𝐝𝐚𝐝𝐞 𝐊𝐚𝐭𝐨́𝐥𝐢𝐤𝐚 𝐧𝐨 𝐬𝐢𝐫𝐚 𝐬𝐞𝐥𝐮𝐤 𝐚𝐭𝐮 𝐛𝐞𝐥𝐞 𝐡𝐚𝐧𝐨𝐢𝐧, 𝐡𝐚𝐭𝐞𝐧𝐞 𝐛𝐮𝐤𝐚 𝐡𝐚𝐥𝐨 𝐚𝐧𝐚𝐥𝐢𝐳𝐚. 𝐋𝐢𝐯𝐫𝐮 𝐧𝐞’𝐞 𝐡𝐚𝐤𝐞𝐫𝐞𝐤 𝐟𝐨𝐤𝐮 𝐛𝐚́ 𝐚́𝐫𝐞𝐚 𝐢𝐝𝐚 𝐧𝐞’𝐞𝐛𝐞́ 𝐞𝐦𝐚 𝐥𝐚 𝐡𝐚𝐧𝐨𝐢𝐧 𝐨𝐧𝐚 𝐦𝐚𝐤 𝐤𝐨𝐥𝐨𝐧𝐢𝐚𝐥𝐢𝐳𝐚𝐬𝐚𝐮𝐧. 𝐊𝐮𝐚𝐧𝐝𝐮 𝐢𝐭𝐚 𝐥𝐞𝐞 𝐥𝐢𝐯𝐫𝐮 𝐧𝐞’𝐞, 𝐢𝐡𝐚 𝐛𝐮𝐚𝐭 𝐛𝐚𝐫𝐚𝐤 𝐭𝐞𝐛𝐭𝐞𝐛𝐞𝐬, 𝐚𝐧𝐚𝐥𝐢𝐳𝐚 𝐦𝐮𝐧𝐝𝐮 𝐭𝐨𝐦𝐚𝐤”, Xanana fó apresiasaun iha salaun Semináriu Menór Nosa Senhora de Fátima (SENOFA) Balide, tersa (23/07/2024).
Líder nasionál ne’e fó-hanoin katak, Semináriu Soibada hanorin timoroan sira oinsá hanoin, disiplina no halo analiza tanba ne’e mak IX Governu hakarak halo reforma hodi hadi’a kualidade edukasaun iha ensinu superiór sira.
Xanana dehan, maski livru ne’e hakerek ho lian Portugés no ema barak mak ladún kompriende maibé buka atu kompriende tanba hatudu kbi’it no hanoin ne’ebé rasiosíniu mai hosi filozofia.
Husu bá autór atu oferese livru rua bá kada universidade iha Timor-Leste nune’e tau iha livraria hodi manorin na’in-sira bele lee no introdús bá estudante sira.
Iha fatin hanesan, Reitór Semináriu Nossa Senhora de Fátima, Padre Natalino da Costa konsidera mensajen Primeiru-Ministru nian kuda hela fini ida bá foin-sa’e sira ne’ebé daudaun ne’e estuda hela iha Semináriu.
Tanba ne’e, Padre Natalino agradese tebes bá prezensa Primeiru-Ministru nian tanba lori ona mensajen furak sira hodi loke hanoin oinsá transforma bá sosiedade.
Autór livru, Martinho Borromeu Doutoradu Filozofia iha Pontifícia Universidade Católica Parana (PUCPR). Mestradu filozofia iha Universitas Katolik Widya Mandira Kupang-Indonesia. Dezenvolve peskiza pós-doutoramentu iha PUCPR. Professór Orientadór Prinsipál iha Universidade Nacional Timor Lorosa’e (UNTL) no atualmente hanesan Dekanu Fakuldade Filozofia no Siênsia Umana iha UNTL.
