Reportajen: Jornalista Madalena Reis
Tve-t, Dili (24-10-2023) – Governu liu husi Sekretariu estadu arte no Kultura hamutuk ho parseiru internasional hanesan timor aid no Unesco realiza workshop ba grupu soru tais husi munisipiu 14
Diretora executiva timor aid Maria do Ceu Lopes esplika objetivo husi workshop ne’e konvida peritus internasional sira hodi fahe esperensia ba soru nain timor oan nune’e bele halo mudansa diak liu ba tais ne’ebe soru iha rai laran.
” Objetivu Workshop ohin loron ita konvida peritus internasional sira mai husi India no Portugal, hodi mai fahe esperensia, atu Soru na’in Timor oan sira bele rona no hatene hodi hili metodu nebe mak orador sira fahe nunee bele implementa hodi halo diak liu tan produsaun Taís iha rai laran”, Dehan Diretora ezekutivu Timor Aid Maria Do Céu ne’e iha salaun nobre Ministeriu Negosio Estrangeiro, Tersa-feira 24/10.
Entretantu Sekretario Estadu arte no Kultura Jorge soares Cristóvão hatete Workshop ne’e Hanesan parte ida husi planu salvaguarda ba tais ho hanoin atu responde ba preokupasaun soru na’in sira nian kona ba tais iha merkadu internasional
“Workshop ne’e nu’udar parte ida husi salva guarda ba Taís nian, hodi hatan ba preokupasaun soru na’in sira nian ba merkadu nian, tamba soru nain barak mak la hetan rendimento iha merkadu, ho nune’e liu husi workshop ne’e bele enkoraja nafatin soru nain sira hodi kontinua habelar nafatin Taís iha rai laran no mos internacional”,Jorge dehan
Produtu Tais Timor hetan ona klasifikasaun, hena tradisionál nasionál nu’udár Patrimóniu Kulturál Imateriál Umanidade husi UNESCO.Utilizasaun Tais importante tebes iha serimónia omenajen, festa no rituál kulturál no relijiozu sira. Tuir tradisaun Tais ne’e prodús husi inan-feto sira, husi ai ida-ne’ebé uza hodi soru, husi kabas ne’ebé ho kór naturál
