Reportajen: Lidia Amaral
TVE-t, Dare (06/01/2024) Forum Komunikasaun Figura Politika no Publika (FKFPP) hahu halibur malu loke dalan oinsa atu kontribui ba prosesu dezenvolvimentu Timor Leste iha futuru, dehan Rui Maria de Araujo liu husi konferensia imprensa (06/01)
Rui Maria De Araujo hateten, FKFPP halibur malu nune’e koalia konaba ba figura publika,politika ne’ebe iha Nasaun Timor-Leste tamba idak-idak ho ninia versaun politika ne’ebe mak la hanesan tenki hahu hodi buka malu no loke dalan hodi tuur hamutuk buka dalan oinsa atu hare futuru Timor nian.
“Ita hotu hatene katak,ita nia istoria independensia ne’ebe mak bo’ot iha aniversariu politika patolijika tebes iha ita nia rai,ho ida ne’e ami hanoin tempo agora atu hahu hamosu konfiansa figuras lideransa figuras politikas hodi enfrenta futuru Timor nian ema hotu mai ho bukae no talentu ne’ebe mak ema hotu iha ba oin buka atu sintoniza hodi tau hamutuk oinsa atu lori kontribuisaun ne’ebe di’ak liu ba iha Timor-Leste nia futuru, dehan Eis Pm. Rui Maria Araujo
Rui Maria informa liu tan katak, iha preokupasaun iha sosiedade nia laran kona ba sustentavel politiku no ekonomiku Timor-Leste nian ba iha futuru nunee timor-oan sira tenki kontribui maske oituan ka barak
Iha fatin hanesan Eis Presidensial Konsellhu Ministru Fideliz Leite Magalhaes hateten prinsipais husi sorumutu FKFPP mak atu tuur hamutuk hodi hare dezafiu sira ne’ebe Timor Leste sei hasoru iha futuru oin mai nunee bele hadia dezenvolvimentu ba rai no povu
