Tve-t Kinta feira 18-01-1024 Dili – Professor kontratadu sira husi tinan 2023 realiza komunikadu imprensa hasoru Ministra Edukasaun no Secretario Estado Ensino Sekundaria Jeral no Teknika Vokasional ne’ebe hapara kontratu professor sira nian
Porta-voz Agostinho Pinto Esplika, Professores kontratadu hahu iniciu fulan Janeiru aprendizajen eskola nian la’o dadauk ona maibe Ministra Edukasaun no Sekretariu Estadu Ensinu Sekundaria Jeral no Teknika Vokasional hapara professor kontratadu sira nia kontratu sem karta notifikasaun ruma no bandu professor sira hodi la bele kontinua hanorin estudante sira iha aula laran.
“Ami professor kontratadu sira iha tinan 2023 hamutuk 1.715, lamenta atitude Exelencia nain rua Ministra Edukasaun no Secretariu Estadu Ensino Secundario Jeral no Tekniku Vokasional la respeita valores de boa governasaun no Ia asegura direitu interese lezitimidade ba sidadaun.Ministra Edukasaun no Secretariu Estadu Asuntu Ensinu Secundariu Jeral no Tekniku Vokasional foti desizaun ne’ebe Ia hare ba vantagem no desvantagem hodi hapara ami professor kontratadus sira,entaun ninia implikasaun mak publiku bele hare ohin loron eskola balu taka ona tamba professor Ia iha, eskola balu menus professor maibe exelensia sira uza de’it mak sira nia arrogancia,hakarak hodi hapara total professor kontratadu tinan 2023 nian,no la konsidera ami professor sira nia sakrifisiu no dedikasaun servisu voluntario tinan 10 liu ba molok hetan rekonesimentu husi mandatu oitavu Governu nian”, Haktuir Porta-voz Agostinho Pinto liu husi konferensia imprensa iha Jardim 5 de Maio, Kinta-Feira (18/01).
Porta-voz ne’e salient, Ministra Edukasaun no Sekretariu Estadu Ensinu Secundariu Jeral no Tekniku Vokasional nia atitude Ia hatudu vontande nudar governante ida ne’ebe hetan konfiansa husi na’i Primeiro Ministro,hodi tau interese Nasional a’as liu interese privadu maibe hakarak kria de’it problema no halo de’it diskriminasaun ba ami professor sira.
Ho intesaun atu baralha de’it Sistema Edukasaun iha rai lulik ida ne’e hodi nune’e povo aileba nia oan sira labele assesu edukasaun ida ho diak no kualidade.Realidade mak povo nia oan sira sofre dadauk ona tamba menus professor.
Ministra Edukasaun no Sekretariu Estadu Assunto Ensino Sekundariu Jeral no Tekniku Vokasional labele haluha,professor kontratadus sira ne’ebe agora dadaun ami halibur an iha ne’e mesak nu’udar mate restu, sobrevivente, veteranos, martires no povo kik nia oan sira tamba ne’e ami iha direito tomak atu servi rai lulik ida ne’e liu husi vokasaun no profisaun ne’ebe mak ami iha.
Ministra Edukasaun no Sekretariu Estadu Ensino secundario Jeral no Tekniku vokasional keta haluha ukun a’an ida ne’e liu husi ema barak nia terus no sofrimentu oioin,balu mate tamba ema oho,mate tamba hamlaha no balu lakon to,o ohin loron la hetan.Tamba ne’e bainhira hetan oportunidade atu servi povu no rai ida ne’e karik atu servi ho fuan no labele ukun hamosu deit problemas ,no diskriminasaun atu nune’e bele valoriza no fo hongra ba heroi sira tamba ukun a’an ida ne’e nia finalidade maka povo tenke moris diak,povo nia oan sira tengke asessu edukasaun ida diak no kualidade.
Ezekuta ordem Nai Primero Ministro nian atu resolve problemas professor kontratadu 2023 nian laos atu hapara, husu Ministra Edukasaun no Sekretario Estadu Ensino Secundario Jeral no tekniku vokasional atu resolve estatuto professor kontratadu tinan 2023 nian tuir Decreto Lei No.31/2023 de 31 de Maio konaba estatuto karreira dos professors ne’be previsto ona iha artigo 11.
Husu Sra. Ministra Edukasaun no Sek.Estadu asunto Ensino sekundario jeral no tekniku vokasional atu rezolve uluk problema professor kontratadus 2023
