Reportajen : Madalena Reis
Tve-t, Sesta-feira 19-01-2024 Dili – Prezidente Repúblika José Ramos Horta fo pose ba José Luís Guterres nu’udar Embaixador Ekstra Ordinário no Planu Potensiariu Timor–Leste nian ba Estados Unidos Amerika (EUA).
Iha entrevista Embaixador EUA José Luís Guterres hateten, ohin simu pose nu’udar Embaixador ba Estadu Unidos Amerika nian ho sentido responsabilidade no fiar katak ho konfiansa ne’ebe Xefe Estadu no Governu fo hodi bele representa Timor-Leste iha Estadu Unidos Amerika, esforsu tenke kontinua hodi reforsa tan relasaun diak ho Estadu Unidus Amerika no servi ho lealdade ba povu Timor-Leste.
“Ohin loron importante ida ba ha’u rasik no mos ha’u simu nomeasaun husi Prezidente Repúblika hodi sai Embaixador iha EUA ho sentido responsabilidade no ha’u fiar katak konfiansa ne’ebe ha’u simu atu bele representa Estadu Timor iha Estadu Unidus, signifika katak esforsu Hau tenke halo teb-tebes atu kontinua tan relasaun ne’ebe diak ho Estadus Unidus Amerika, “,Dehan Embaixador EUA José Luís Guterres iha Palalsio Prezidensial Bairo Pite Díli, 19/01.
Antes ne’e atual Embaixador EUA José Luís Guterres asumi kargu hanesan Diplomata iha Ministério Negosio Estrangeiros no Kooperasaun, Presidente Rejiaun Administrativa Espesial Oecusse ( RAEOA ) Período 2019 to’o 2020 no hanesan mos Presidente Partidu Frente Mudansa.
Enkuantu iha loron 16 fulan janeiru tinan 2024, tuir artigu 87 alinea B konstitusaun RDTL Prezidente Repúblika nomeia fali José Luís Guterres nu’udar Embaixador Ekstra Ordinário no Planupotensiariu Timor-Leste nian ba Estados Unidos Amerika Periodu Tinan lima hahu husi 2024 – 2027.
Entertantu Presidente Repúblika José Ramos Horta mos enkoraja ba Embaixador foun ne’e atu servisu ho responsabilidade tomak nune’e bele kontribui mos ba hametin liu tan relasaun Bilateral entre Nasaun rua.
