Reportajen : Lidia Amaral
Tve-t, Sexta-feira 19-01-2024 Dili – Prezidenti Konsellu Imprensa fo pose ba Diretor Ezekutivu Antonio Dias, ba periodu 203-2025 hodi hala’o kna’ar ho di’ak no sei servisu la hare ba interese privadu maibe hare ba interese komun no asegura informasaun ba liberdade imprensa no liberdade opiniaun.
Iha Entrevista Prezidenti Konsellu Imprensa Otelio Ote hateten, iha tinan hirak liu ba konsellu imprensa enfrenta problema menus rekursus humanu, nune’e la’os atu rekruta ema foun maibe iha funsionariu tuan hodi substitui no fiar katak iha tinan rua nia laran problema hirak ne’e sei rezolve no servisu hotu bele ho di’ak
“Bainhira remata iha mandatu durante tinan rua hodi servisu ho di’ak to’o mandatu remata hodi monitoriza no superviziona diretor sira nia servisu hodi garante mekanismu administrasaun no prosesu servisu financas nian la’o ho di’ak ami mos hakrak atu Diretor Ezekutivu bele dezenvolve komunikasaun di’ak ho Diretor no staf sira no iha komunikasaun external ho jornalista sira,ho mos Komisaun Funsaun Publika,Ministerio Financas sira atu asegura katak rekursus humanu ne’ebe ita iha hala’o nia servisu ho nia gostu ne’ebe la konsege nia implementa,”Dehan Prezidenti Konsellu Imprensa iha salaun KI sesta-feira (19/01).
Iha fatin hanesan Diretor Ezekutivu Antonio Dias informa, agradese tebes posse ba kargu foun no durante iha tinan rua ba kotuk hasoru difikuldade nia laran hodi selebra ba susesu ne’ebe mak oras ne’e iha, hodi hateke ba oin no hare problema sira ne’ebe mak sei mai, no nafatin hato’o agradese ba instituisaun ne’e no ba ema sira ne’ebe uluk iha instituisaun ne’e maski dadauk ne’e sira iha ona instituisaun seluk.
“Ohin atu inkamiña nafatin dalan foun ne’ebe mak sei mai hanesam ita hotu hatene iha estatutu konsellu imprensa nian iha dekretu lei nu°25/2015 05 de agostu iha atigu 26 ho kna’ar Diretor Ezekutivu nian atu superviza diresaun Konsellu Imprensa nian,hala’o servisu administrativu no finanseiru hodi haktuir planu ne’ebe Konsellu Imprensa trasa liu husi plenaria programa anual Konsellu Imprensa nian,”Nia dehan.
Entertantu Diretor foun ne’e nia esperansa, iha periodu importante ne’ebe sei hala’o durante mandatu ne’e mak sei fo kontemidade ba planu estratejika Konsellu Imprensa nian ne’ebe mak segundu mandatu trasa tiha ona hahu iha tinan 2022 to’o 2026 iha perioridade sira ne’e mak hare oinsa atu servisu hamutuk di’ak liu tan ho mandatu ne’e nian no oinsa halo avaliasaun ida ne’ebe sistematiku nune’e bele hatan ba dezafius ba sira ne’ebe mak loron ohin nian.
