Reportajen : Lidia Amaral
Tve-t, 22-01-2024 Dili – Membru Konsellu Reprezentantivu Rejional Repúblika Indonezia-Bali, Arya Wedakarna lori Komunidade hinduísmo Bali nia naran hato’o agradese ba Estadu Timor-Leste ne’ebé konstrui ona Templu Pura Gira Nhat iha Tabesi-Dili.
“Obrigado ba Primeiru Ministru Xanana ho ekipa tomak sidadaun Indonesia liu-liu povu Bali simu ho di’ak no hato’o agradese husi Estadu Timor-Leste apoia finanseira kuaze millaun 15 rupia hodi hari ita nia pura hodi hatudu ba povu Bali katak,Pura Gira Nhat iha Taibessi Dili ne’e hatudu tebes domin no respeita ba komunidade Hinduismu iha Timor-Leste ,” Reprezentantivu Rejional Repúblika Indonesia-Bali, Arya Wedakarna informa asuntu ne’e liu husi deskursu durante partisipa serimónia inagurasaun edifisiu foun Konsul Jerál Timor-Leste iha área Tukad Mas 1/no 4-Renon Bali.
Estadu no Komunidade hinduísmo Indonézia sente orgullu prosesu kontrusaun Pura Gira Nhata iha Tabesi-Dili halo ho kualidade to’o serimónia inagurasaun husi Prezidente Repúblika, José Ramos-Horta iha loron 08 Agostu 2023.
Arya Wedakarna konsidera apoia ne’e nu’udar toleransia no fraternidade umana Timor-Leste hodi respeita religaun hotu- hotu liu-liu direitu sidadaun envolve iha kualkér religiaun,sidadaun Bali maioria religiaun hinduísmo barak servisu iha Timor-Leste iha área oin-oin hanesan, setór turizmu, hotél no hari restaurante no seluk tan.
Membru Konsellu Reprezentantivu Rejional Repúblika Indonezia-Bali, Arya reforsa tan, ba oin koopersaun entre governu ho governu no povu ho povu bele kontinua metin liu tán fó benefisiu ba rai rua.Antes ne’e, Presidenti Republika Ramos-Horta informa estadu kontrui fatin reja ne’e hodi hato’o solidariedade no fraternidade husi Timor-oan sira hotu-hotu ba membru komunidade Hindu ne’ebé hela iha Timor-Leste,Pura Taibessi, tuir Ramos-Horta hola parte kultura diversidade iha Timor-Leste, iha sivilizaun relijiaun oin-oin, bo’ot ka ki’ik importante hatudu respeitu bá kultura ida-idak nia fiar.
Governu liu husi Serviço de Apoio à Sosiédade Civil e Auditoria Sosiál (SASCAS), apoia fundu ba obra reabilitasaun no melloramentu ba pura Taibessi hahú desde 2018, ne’ebé nia inisiativa mai husi antigu alunu Timor-oan iha Bali, ne’ebé hanaran IKAYANA, no hetan atensaun bo’ot husi VI Governo Konstitusionál, Lideradu husi Eis Primeiru-Ministru, Rui Maria de Araùjo.
Governu fó apoiu ba pura Taibessi liu husi IKAYANA ho valor orsamentu hamutuk millaun $1.2 bá reabilitasaun to’o remata.
Pura ne’e hari desde tempu Indonésia no inagura husi Saudozu Eis Governadór Timor-Timur, Dr.Mario Viegas Carscalão, iha loron 27 Juñu 1987 no to’o tempu ukun aan, governu apoia tan fundus hodi kontrui hikas.
