Reportajen: Madalena Reis
Tve-t, Segunda-feira 22-01-2024 Díli – Sekretariu Estadu Protesaun Sivil (SEPS) liu husi Autoridade Protesaun Sivil(APC) rejista uma komunidade 49 mak hetan estragus no ema na’in ha’at lakon vida kauza husi dejastre naturais ne’ebe akontese iha territóriu laran.
Xefe Gabinete Relasaun Externa no Komunikasaun (GREC-Sigla Português), Cesário da Silva Marques esplika, dejastre naturais ne’ebe akontese hahu husi loron 09 to’o 15 fulan janeiru 2024 uma 49 hetan estragus no ema na’in ha’at mak lakon vida iha Munisipio 8 mak hanesan, Aileu, Baukau, Bobonaru, Covalima, Ermera, Likisa, RAEOA, no Vikeke.
” Iha Munisipiu Aileu Anin sobu uma 2, iha Munisipiu Baukau anin uma 5 no ahi han uma 3, Munisipio Bobonaru anin sobu uma 1, ahi han uma 2 no Rai Halai estraga uma 3, Munisipiu Kovalima anin sobu uma 9 ahi Han uma 3, Munisipio Ermera anin sobu uma 9, Rai Halai estraga uma 2, Munisipiu Likisa anin Sobu uma 3 , Vítima lakon vida na’in 3, RAEOA anin sobu uma 1, Munisipiu Vikeke anin sobu uma 3 Vítima lakon na’in 1″, Dehan Xefe Gabinete Relasaun Externa no Komunikasaun (GREC-Sigla Português), Cesário da Silva Marques, liu husi konferensia imprensa segunda-feira, 22/01.
Enkuantu Komandu Operasional Autoridade Protesaun Civil Munisipiu sira kolabora ho parte Autoridade lokal hodi fo ona apoiu emergênsia ba família afetadus sira, no sei kontinua halo levantamentu kona komunidade nia sasan ne’ebe estragus no lakon, nune’e bele fo apoiu emergênsia ba Vítima sira.
Entertantu liu husi oportunidade ne’e parte Autoridade Protesaun Sivil mos nafatin alerta ba populasaun hotu atu hado’ok aan husi fatin ne’ebe risku bainhira akontese udan no anin boot nune’e bele minimiza vitima bainhira akontese dejastre naturais.
