Reportajem : Madalena Reis
Tve-t, Kinta-feira 08-02-2023 Díli – Relasiona ho Governu liu husi Sekretariu Estadu Assuntu Toponímia no Organizasaun Urbana Germano Santa Brites Dias, ne’ebe ho urjentemente sobu edifisiu Eskola São Miguel Arcanjo iha segunda-feira 05/02 momentu oras prosesu apredisajem la’o hela, ho nune’e Presidente Repúblika José Ramos Horta konsidera Governante uza poder hafoer naran Governu nian iha publiku.
Xefe Estadu hateten, ho hahalok arongansia balu ne’ebe maka Governante sira hatudu bele hafoer naran Governu, nune’e nia fo akonselamentu ba Governu Kuidadu ho ida-idak nia hahalok no hanoin didiak sukat buat hotu-hotu, Tamba Ministeriu no Sekretariu balun ho arongansia la hanoin no sukat didiak hafoin halo asaun ruma iha publiku.
“Ha’u Nia akonselamentu ba Governu maka Ida ne’e Kuidadu ho ida-idak nia hahalok hanoin didiak no sukat buat hotu-hotu tamba depois Governu nia naran mak foer, tamba Ministeriu no sekretariu balun ho arongansia la hanoin no la sukat didiak hafoin halo asaun, uluk iha tinan rua liu ba artemoris duni sai husi sira nia fatin momentu ne’e hau mos krititka no ha’u mak hetan solusaun bolu sira mai iha Palalsio Presidensial fo ajuda na Sira, agora derepnde hare ida ne’e nusa lá hein tan semana ruma, atividade hanesan mak fo naran att ba lideransa la iha sensibilidade”, Dehan Presidente Repúblika José Ramos Horta iha Aeroporto Internacional Nikolau Lobato Comoro Díli Kinta-feira 08/02.
Horta Elojia ho ezistensia eskola São Miguel Arcanjo ne’ebe ejiste durante tinan 21 ona, hanesan uniku eskola iha Timor-Leste tamba kontribui ba rekursu humanu liu husi kapasita Foinsa’e lubuk ida forma karakter sai foinsa’e maduru hodi kontribui ba estadu durante existência.
