Reportajen : Lidia Amaral
Tve-t,Terxa feira 13/02/2024 : Dili – Ministerio Edukasaun realiza konferensia imprensa hodi anunsiu sai rezultadu aplikasaun bolsa kandidatura dosente no Professores tinan 2024
Porta voz gabinete Ministerio Edukasaun Filipe Rodrigues Pereira hateten, iha fulan Janeiru loron 29 liu ba Ministerio Edukasaun loke prossesu eskrisaun bolsa kandidatu ba Dosente/professores sira iha territorio nasional. Ministerio Edukasaun hamutuk ho Comissario Funsaun Publika servisu hamutuk ho parsseiro internasional NGO belun servisu hodi rekolha dokumentus sira husi aplikante sira, no iha loron 9 fulan fevereiro semana kotuk halo ona enseramentu ba iha bolsa kandidatu Dosente no professores sira nian.
“Prossesu eskrisaun aplikante hamutuk total 8,701 ne’ebe mak hatama sira nia dokumentus no iha konkursu ne’e kompostu husi feto hamutuk 4.916 no mane hamutuk 3.785 no ita hare aplikante feto nia persentajen barak liu fali persentajen mane sira kontenti ho persentajem husi feto sira nian ne’e hatudu katak kandidatura sira ne’e hanesan inan ne’ebe mak hakarak oferese sira nia an no hola parte iha oan sira nia futuru,”(13/02).
Maibe ne’e hanesan prosesu dahuluk no prosesu tuir mai Comissario Funsaun Publika ho Ministerio Edukasaun hamutuk ho komisaun organizadora hodi hare tuir prossesu verifikasaun ba dokumentus hirak ne’ebe mak hatama ona iha Ministerio Edukasaun no sei halo selesaun ba dokumentus sira nune’e hodi hatene ema ne’ebe mak liu iha Aplikasaun Bolsa kandidatu professores, dokumentu ne’ebe hatama mak hanesan dokumentus Administrasaun literaria,kartaun identidade no fotografia ne’e la todan ba aplikante sira.
Enkuantu Espera iha prossesu teknikamnetu ne’ebe mak tama ba iha prossesu teste nian politikamente Ministerio Edukasaun koko atu nune’e iha tinan ida ne’e bele loke ona espasu ne’ebe mak bo’ot ba iha publiku nune’e ema ne’ebe mak iha kapasidade di’ak hodi bele ajuda Ministerio Edukasaun hodi haforsa ba iha kapasidade edukasaun nian ne’ebe mak di’ak no kualidade,
Ne’e hanesan foin primeira vez iha Ministerio Edukasaun loke konkursu publika ida hodi nune’e ema hotu bele hola parte iha prossesu konkursu aplikasaun bolsa kandidatu professores.
