Reportajen : Madalena Reis
Tve-t, Kuarta-feira 14-02-2024 Díli – Amo selebrante João Roque hateten, tama ba tempu kuaresma fo hanoin mai ita kona ba loron hadera an no loron abstinência hodi hakribi ita nia sala no fiar Evangelho liu husi simu ahu kadesan iha loron Kuarta-feira sinza.
“Ho haraik an hakribi sala sira ne’ebe Ita halo molok Ita atu hahu Ita nia viajem kuaresma nian durante loron ha’at nulu nia laran bainhira povu Izrael sai husi ejiptu hahu halo jejum ba iha tempu kuaresma Nia laran hodi Harohan ba maromak liu husi Moises hodi lori Sira ba iha rai fuik maran. Agora igreja fo oportunidade mai ita idak-idak durante iha loron ha’at nulu nia laran, maibe iha tempu kuaresma nia laran ita nafatin iha buat tolu ne’ebe mak ita persija halo hanesan halo orasaun bainhira atu hala’o atividades sira no bainhira ita iha difikuldade nia laran tau nafatin konfiansa ba na’i maromak”, Dehan Amo selebrante João Roque, Liu husi Omilia iha misa Kuarta feira sinza ne’ebe realiza iha eskola Colégio São Miguel Arcanjo, Kuarta-feira (14/02).
Padre Celebrante ne’e haklean, iha tempu kuaresma ne’e hodi Ita aprende husi apostulu sira no moris hanesan sarani hodi reza no halo orasaun iha ida-idak nia moris no bainhira fo esmola lalika sura no dehan sai basa husik Na’i maromak mak hare buat ne’ebe ita halo
“iha primeira leitura nian maromak liu husi profeta zoe nian no maromak hateten ida ne’ebe fo laran no néon mai hau hodi hadera aan,tanis no halerik hakribi maromak hatudu ba iha imi nia laran ilha kuaresma nia laram mai hodi haderan aan husi ita nia hahalok lá diak sira. Povu Izrael nia terus sira viajen dezertu ba dalan libertasaun nian Ita hanesan sarani mos hanesan Ita iha esperensia ne’ebe mak nakukun no moris iha sala laran maibe nai maromak sai nafatin domin nain no hadomi nafatin ita maromak iha fuan bo’ot tebes nafatin perdua ita hodi fo oportunidade ba ita idak-idak hodi fila fali ba dalan lo’os, Fila imi laran no neon tomak ba imi nia nai no imi nia maromak tamba maromak laran diak no laran luak tebes maromak ne’e Domin na’in maromak la kondena nia nafatin fuan boot wainhira Ita Harohan ho haraik an hakneak hanesan domingu uluk Ema moras lepra hakneak iha Jesus hodi husu kura Nia nune’e Jesus Haruka Nia hamriik Nia moras Diak kedas Tan Nia hakneak no haraik an fiar iha Na’i maromak” Nia Salienta.
Amo Celebrante ne’e mos husu sarani hotu iha tempu Kuaresma muda hahalok sira ne’ebe lá diak, hakribi sala sira no halo orasaun tamba maromak nafatin laran luak no Perdua.
