Reportajen : Madalena Reis
Tve-t, Kinta-feira 15-02-2024 Díli – Prezidente Repúblika José Ramos Horta ofisialmente fo pose ba Sérgio De Jesús Fernandes da Costa Hornai, tuir Konstitusaun Repúblika Demokratika Timor-Leste iha termu número 1° no 2° artigu 106, hodi lidera Ministeriu Justisa Periodu 2024-2028, substitui maktoban Amandio de Sá Benevides ne’ebe hakotu nia peregrinasaun iha loron 20 fulan janeiru tinan 2024.
Iha diskursu Prezidente Repúblika José Ramos Horta hateten, ho ksolok fó pose ba Ministru Justisa foun ne’ebé iha kareira Brillante iha setór justisa. Setór justisa hanesan Pillár ida importante iha estadu direitu demokrátiku, justisa ida kompetente, indepedente, imparsiál no ida ne’e sei halo balansu no ekilibriu ba faktus, sirkuntansia no ida ne’e sei sai justisa ida verdadeiru ba sidadaun sira.
“Bolu mós atensaun bo’ot ba defensoria públika ne’ebé sai abut ba setór justisa. Iha país demokrátiku iha interese barak atu serbí iha defensoria públika. Ba Timor – Leste ho kondisaun sosiál, ekonómiku país ninian, defensoria públika hola pozisaun ida importante, iha kazu barak ne’ebé julga no provavelmente ho rezultadu la justu, presiza tebes defensoria públika atu tau matan ho atensaun.Tanba ne’e ha’u apelu ba Ministru Justisa atu tau atensaun bo’ot ba reforsa, apoiu, no dignifika defensoria públika”, Dehan Xefe Estadu José Ramos Horta liu husi diskursu iha âmbito seremonia tomada pose iha Palasio Presidensial Bairo Pite Díli, Kinta-feira (15/02).
Xefe Estadu mos enkoraja Sérgio Hornai, susesu iha nia servisu no funsaun foun, ondra ba país ne’e, ba Ministru sesante sira ne’ebé antes ne’e fó mós dedikasaun iha Ministériu Justisa hodi serbí estadu Direitu Demokrátiku obrigadu no maiór felesitasaun ba nia kareira.
Ministru Justisa Sérgio De Jesús Fernandes da Costa Hornai hato’o agradese ba Governu no mos povu tomak ne’ebe fo konfiansa hodi indijita nia hodi substitui Amandio de sa Benevides, simu responsabilidade la’os oportunidade maibe servisu ne’ebe difisil no dejafius lubuk ida maibe tenke la’o ba oin no rezolve setor Justisa ho di’ak iha futuru
“Primeiru ha’u agradese ba konfiasa tomak husi povu Xefe Governu partidu politikas sira hotu liliu partidu governu konfiansa hodi indijita hau sai hnesan subtitui ba kolega saudozu matebian ha’u servisu kleur ho nia no hau simu responsabilidade ida la’os oportunidade simu responsabilidade servisu difisil no desafius lubuk oan ida hau tenki Infrenta para hau atu hare konaba konsolidasaun estadu direitu demokratika iha dezenha polítika setor Justisa nian Governu ida ne’e ho nia depósito konfiansa para bele hamutuk halo intregrasaun ida tantu bilateral rejional tantu multilateral ou ita nia Rai rasik setor justiça. Hau Mai íntegra iha prioridade ne’ebe programa Sira halo Tiha ona orsamentu halo Tiha ona, no Hau sei hare didiak Diresaun ididak kooperasaun ididak hamutuk ho ajentes funsionario sira iha Ministério hodi hare hamutuk na sevisu hirak ne’e”, dehan Sérgio Hornai.
Atu rekorda fali katak Atual Ministru Justisa Sérgio De Jesús Fernandes da Costa Hornai nia Dezempeñu no revela funsaun antes hanesan defensór públiku no Komisáriu Komisaun Anti Korupsaun(KAK).
