Reportajen : Lidia Amaral
Tve-t,Tersa-Feira 20-02-2024 Dili – Primeiru-Ministru, Kay Rala Xanana Gusmão hala’o enkontru ho Grupu Traballu Reforma Setór Justisa (TRSJ) atu prepara relatóriu no rekomendasaun kongreta hodi entrega ba governu.
Xefe Governu Kay Rala Xanana Gusmão informa asuntu ne’e durante hala’o enkontru ho Koordenadora Grupo Traballu Reforma Setór Justisa, Lúcia Lobato akompaña hosi Ministru Justisa, Sergio Hornai no Eis Prezidente Tribunál Rekursu Cláudio Ximenes no Paula Fernando CES-Coimbra, Portugál, Patrick Keuleers hosi UNDP, Miguel Lemos – Konsultór UNDP, Sahe Silva Konsultór UNDP no Bruno Lencastre hosi UNDP, iha Palasiu Governu, Dili.
Koordenadora Grupo Traballu Reforma Setór Justisa, Lúcia Lobato grupu traballu harii husi Primeiru Ministru iha tinan 2023 atu ajuda hadia no reforma sistema justisa.
Grupu ne’e sei halo diagnostiku ba justisa, apoiu hosi parseiru internasionál sira hanesna Programa Dezenvolvimentu Nasaun Unida (UNDP), ne’ebe sira rekruta matenek na’in lubuk ida hodi apoia no Timor-oan sira.
“Ne’ebe mak grupo trabalho apoia governu atu prepara rekomendasaun konkreta Primeiro Ministro husu atu grupo trabalho aprezenta rekomendasaun konkreta no lakohi no lakohi halo relatoriu naruk ne’ebe iha rekomendasaun kurtu prazu ne’ebe mak governu tenke implementa kedas no tenke mos rekomendasaun mediu no longu prazu,”Dehan Lucia Lobato ba jornalista sira iha palasiu do Governu (19/02).
Molok grupu traballu hasoru Primeiru Mininstru Kay Rala Xanana, sira hasoru uluk ona Prezidente Tribunal Rrekursu Deolindo dos Santos, no sei hala’o mós reniaun ho Ministru Justisa, Sergio Hornai, Prezidente Repúblika, Bankada Parlamentár, Akademiku, advogadu privadu, sosiedade sivil, emprezariu, grupu feto, atividade kona direitu labarik.
Alende ne’e grupu refere ko’alia ho Prezidente Tribunál Rekursu no Primeiru Ministru Xanana hodi haree mós kona-ba apoiu formasaun rekursu umanu ba entidades Timoroan ne’ebé servisu iha área judiasiru nian.
“Tenke tau atensaun makas hodi oinsa atu reforsa rekursus humanu iha setor justica no iha lei lubuk ida tenke hadi’a no halo lei foun ba lei balun, lei balun ne’ebe tenke hasai tiha tamba la kondus ho realidade nasaun nian hodi hadia no dezenvolve infraestrutura setor justica nian,”tenik nia.
Entretantu, grupu traballu ne’e serbisu to’o fulan-marsu 2023, Primeiru Ministru husu labele lalais tanba lalais sei lufu-lafu de’it, maibé mós labele dada naruk tanba governu iha programa ida ne’ebé atu kumpri, tanba servisu grupu traballu ne’e importante tebes atu ajuda governu reforma setór justisa atu nune’e tribunál sira bele servisu no hatán ba povu tomak nia preokupasaun katak asesu ba justisa tenke ba ema hotu no tribunál sira nia servisu atu garante justisa ba nasaun nia di’ak.
