Reportajen : Lidia Amaral
Tve-t, Dili (Kuarta feira 21-02-2024) – Primeiru-Ministru (PM), Kay Rala Xanana Gusmão hala’o enkontru ho Embaixadór Áfrika do Sul iha Jakarta, Mpetjane Kgaogelo hodi deskute kooperasaun bilaterál ne’ebé rai rua estabelese ona durante ne’e.
Antes hasoru Xefe Governu Xanana, iha loron segunda-feira (19/02/24), ne’e Embaixadór Estraordináriu no Plenipotensiáriu Repúblika Afrika Súl ne’ebé rezidénsia iha Jakarta -Indonézia, Mpetjane Kgaogelo Lekgoro hamutuk ho embaixador nasaun sanu resin-ida aprezenta krendensiál ba Xefe Estadu Ramos-Horta.
Embaixadór naun-rezidente sira husi nasaun sanulu-resin-ida aprezenta sira-nia karta kredensiál ba Prezidente Repúblika, José Ramos-Horta iha serimónia ofisiál ida ne’ebé hala’o iha Palásiu Prezidensiál Nicolau Lobato.
“Hau hanesan Embaixador mai Timor Leste husi Afrika Sul iha segunda(horseik) hau aprezenta aan ba iha Presidenti Republika ne’ebe iha salaun Primeiro Ministro hodi diskute relasaun durante ne’e la’o ba iha futuru entre nasaun rua nian,ami iha esperansa hodi hametin relasaun iha area ekonomia ,edukasaun no ita mos iha ona relasaun bilateral ho nasaun Timor Leste hodi hamutuk apoio malubiha area hotu,”Dehan Embaixador Mpetjane Kgoagelo ba jornalista sira iha palasio governu.
IX Governu Konstisionál define Timor-Leste nia polítika esterna ho prinsípiu ida- ne’ebé konsagra sentidu independénsia no soberania mak: “Ba Timor-Leste, Laiha Aliadu ka Inimigu, Hotu-Hotu sei Hamutuk no AMIGUS de’it!”. Ida ne’e sai hanesan (Timor) ita-nia Lema, ne’ebé sei orienta Timór iha Relasoens Esternas, iha Konjuntura Internasionál sei hametin amizade no kooperasaun iha nivel globál no rejionál no estabelesimentu kanál diplomátiku foun sira-ne’e loke dalan atu hasae kolaborasaun polítika, ekonómika, sosiál no kulturál ba benefísiu ba malu husi nasaun hotu-hotu ne’ebé envolve.
