Reportajen : Lidia Amaral
Tve-t,Quarta feira 21/02/2024 : Dili – Primeiru-Ministru (PM), Kay Rala Xanana Gusmão, simu vizita Embaixadór Estraordináriu no Plenipotensiáriu Repúblika Islamika Pakistaun,Ameer Khurram Rathore hodi ko’alia kona-ba kooperasaun ne’ebé rai rua estabelese.
Antes hasoru Primeiru-Ministru, Ameer Khurram Rathore, Embaixadór Estraordináriu no Plenipotensiáriu Repúblika Islamika Pakistaun ne’ebé rezidénsia iha Jakarta- Indonesia, hamutuk ho embaixador nasaun 10 entrega kredensiál ba Prezidente Repúblika José Ramos-Horta, iha serimónia ofisiál ida ne’ebé hala’o iha Palásiu Prezidensiál Nicolau Lobato.
Governu Pakistaun apresia ho ekontru ne’e sei hametin liután relasaun diplomata rai rua nian.
“Hau foin hasoru malu ho exelensia Primeiro Ministro ida ne’e nu’udar figura legistimu ida husi Beaconde Hope ba ema iha mundu tomak no sorumutu ne’e nian laran di’ak tebes,” dehan Embaixadór Ameer Khurram Rathore ba jornalista, hafoin remata enkontru ho Xefe Governu iha Palasiu Governu, Dili. (21/02).
Iha enkontru ne’e, xefe governu fahe mós esperensia briliante hosi Timor-Leste nian iha grupu paízes g7+, ne’ebé halibur nasaun frajil no pos-konflitu ne’ebé hamutuk 20 husi Áfrika, Ázia, Médiu Oriente no Pasífiku hodi ko’alia kona-ba harii dame no harii estadu (peacebuilding and statebuilding).
Daudaun ne’e, g7+ iha estatutu hanesan observadór iha Organizasaun Nasoins Unidas, ne’ebé fó- dalan ba nia atu aprezenta perspetiva koletiva ida kona-ba ajenda no servisu Nasoins Unidas nian
“Primeiro Ministro fo konsellu barak mai ha’u nu’udar embaixador Pakistaun nian ba Timor-Leste no ami hein atu haklean liu tan ami nia relasaun entre Pakistaun ho Timor Leste tuir vizaun konaba oinsa nia hare buat sira ne’ebe mak ami hare iha aprosimasaun umanitaria ba politika estranjeiru no hau hein katak imi sei kontenti tebes hodi halo buat ne’ebe mak hau bele halo hodi implementa ninia vizaun iha relasaun bilateral nia laran,”tehnik Ameer Khurram.
Xanana agradese iha Timor-Leste nia independensia hahú hosi 2000 to’o 2023, Forsa Pakistaun hola parte mós iha misaun Manutensaun Paz Organizasaun Nasoes Unidas (ONU) ho forsa nasaun 20 ajuda povu no nasaun iha prosesu kontrusaun estadu no nasaun.
Entretantu, sidadaun Pakistaun barak mós hala’o servisu iha Timor-Leste iha área turizmu, otelaria, loke restorante no alfaiate hodi fó servisu ba Timor-oan barak no kontribui ekonómia Timor-Leste.
