Reportajen: Sidonio Caet
Tve-t Dili Sexta-Feira (23/02/2024) -Primeiru Ministru (PM) Kay Rala Xanana Gusmão hateten, nia parte nia hatene hela se mak iha kotuk hodi dudu eiz proferores kontratadu sira atu halo demostrasaun iha Ministeriu Eduksaun.
“Ami hatene hela se mak iha kotuk, ne’ebe favor ida ita atu servi rai ida ne’e, la’os duni sira hasai para depois tuir regras rekrutamentu ninian” Primeiru Ministru Xanana Hateten iha Palasiu Presidensiál Bairo pite Dili (22/02).
Primeiru Ministru (PM) ne’e hateten, ba Rekrutamentu Profesor ne’e agora daun-daun la’o hela nune’e hein, Guverno labele bolu mai hela de’it.
Tanba ne’e Governante ne’e mos fó ezemplu, gabinete Prezidente Autoridade RAEOA anterior nian iha funsionáriu kazuál hamutuk 428, tanba ne’e mak bolu Rogério Lobato ema FRETILIN áa atu hadi’a buat ne’ebé ho objetivu bo’ot liubá rai ne’e no povu, se la’e partidu ida nia mandatu besik remata bolu de’it hotu-hotu bá sai funsionáriu kazuál.
“Profesór sira ne’e ha’u hatene sira iha hela Ministériu Edukasaun nafatin, favór ida hein bá prosesu rekrutamentu profesór agora la’o hela tanba ida ne’e mak prosesu ne’ebé Ministériu Edukasaun iha, tanba ne’e ha’u husu ba profesór ka manorin na’in sira atu bá iha Ministériu Edukasaun hodi hatene sira nia problema no karik Ministériu Edukasaun presiza profesór karik bele haree tuir regra atu bele sai manorin na’in,” sailenta Primeiru-Ministru Kay Rala Xanana Gusmão.
Xanana afirma problema mak regra atu ba tama nu’udár funsionáriu kazuál ka kontratadu tenke tuir regra la’ós hatama de’it no Governu ida ne’e tama funsionáriu kazuál ne’e millar no iha Gabinete Primeiru Ministru rasik ha’u husu imi halo saida, hatan dehan la hatene no bolu mai atu funsionáriu iha ne’e.
“Iha Marsu to’o Abríl ha’u sei la’o mak haree iha Ministériu balun ne’ebé la kumpre nia programa sei hasai governante ne’e tanba nia la serve atu ukun, tanba mai atu serbí la’ós mai atu hetan priviléjiu no la’o ho karreta estadu no iha tan seguransa,” hateten Xanana.
Nune’e Primeiru Ministru mos hakarak subliña katak durante ne’e violasaun ba regra barak ne’ebé agora ne’e nonu governu lakon tempu atu hadi’a no hamoos fo’er sira ne’ebé husik hela.
