Reportajen : Lidia Amaral
Tve-t, Dili Tersa- feira 27/02/2024 – Ministerio Assuntus Combatente Libertasaun Nasional (MACLN) Gil Da Costa “oan soru” ofisialmente halo abertura ba bolsa estudu ba veteranus no Martires nia oan sira ba tinan 2024 sei hahu loke atendimentu ba Munisipiu sira hotu Inklui mos RAEOA
“Ohin Ministerio Assunto Combatente Libertasaun Nasional realiza atividades lansamentu portal konsulta ba veteranus sira iha Munisipiu 12 inklui RAEOA no abertura Bolsa estudu Ba kombatetens no Martires nia oan sira ba periodu 2024. Agradese ba diresaun nasional pensaun insuvisaun ho ninia departamentu sira ho nune’e relasiona ho portal konsulta ne’e antes fo ona formasaun ba sira hodi ba implementa iha sira idak-idak nia Munisipiu tuir estalasaun CCLN nian ne’ebe iha munisipiu no hirak ne’ebe funsiona iha teritoriu tomak”, Dehan MCLN Gil Da Costa “oan soru”ba jornalista sira iha salaun CCLN (27/2024).
Enkuantu atividades kona ba bolsu estudu nian ekipa tekniku sira sei desloka ba iha Munisipiu sira hotu iha teritoriu nasional hodi servisu hamutuk ho CCLN iha munisipiu sira no ekipa sei hahu desloka iha loron 5 fulan marcu tinan 2024. Tuir informasaun husi Ministru Assunto Libertasaun Nasional deklara antes ne’e atu hahu desloka ekipa tekniku sira ba iha munisipiu maibe relasiona ho komemorasaun loron 3 fulan marcu hodi selebra loron ba veteranus sira nian ho ida ne’e adia ba iha loron 5 fulan marcu.
Entertantu kona ba kriterio sira ne’ebe iha tuir regras ne’ebe mak antes ne’e estabelese ona maibe husu ba interisadu sira atu hakbesik an ba CCLN iha Munisipiu sira hodi bele lidera situasaun hotu husi rekezitus no kalendariu.
Iha tinan 2024 ne’e bolseiru sira hamutuk rihun ida atus tolu hodi fahe ba iha Munisipiu 13 kada Munisipiu ida ema hamutuk nain 100 mai husi parte oi-oin hanesan ensinu baziku no bolsu estudu ba primeiru ciclo ho total 65 no sei foti kada Munisipiu ema nain 5 no segundu no terseiru ciclo ema hamutuk 195 kada munisipiu ema hamutuk nain 15 no iha ensinu sekundariu ema hamutuk 325 signifika kada munisipiu ida ema hamutuk 25.
Ba universidade sira hotu ne’ebe mak iha rai laran hamutuk ema 650 kada munisipiu ema hamutuk nain 50 inklui mos ema sira ne’ebe mak halao estudu iha rai liur hamutuk ema 65 husi kada munisipiu ema hamutuk nain 5 ho nune’e total jeral hamutuk ema nain 1300.
Enkuantu Gil ‘Oan Soru’ husu mos ba interesante sira hodi bele koopera partisipa no apela ba kombatente sira iha teritoriu laran tomak labele impoe ekipa hodi hatama ema ida nian oan iha tolu ka rua hodi tuir teste ne’e liu hotu iha bolsu estudu tamba ne’e hodi taka oportunidade ba kombatente sira seluk nia hodi asesu ba iha bolsu veteranus no martires nia oan sira husu ba veteranus sira hotu hodi iha sentimentu huma
