Reportajen : Madalena Reis
Tve-t Díli, Tersa-feira (05-03-2024) – Liu husi intervensaun politika iha uma fukun Parlamentu Nasional, bankada opozisaun Frente Revolusionaria de Timor-Leste Independência ( FRETELIN sigla português), hato’o preokukasaun ligadu ba joven sira nian situasaun Dezenpregu iha Timor-Leste.
Bankada opozisaun representa Deputada Nurima Ribeiro Alkatiri deklara, iha dadus Sensus populasaun 2022, hatudu populasaun ho idade menus husi 35 anos reprezenta 74%. Signifika populasaun Timor-Leste agora maioria joven no labarik. Númeru ida ne’e lori esperansa no responsabilidade mai ita. Reponsabildade atu iha politika no programa investimentu sira ne’ebé tau joven nu’udar sentru no autor iha prosesu dezenvolvimentu.
“Ita nian joven sira multitalentozu, iha entuziasmu no ambisaun no hakarak iha mudansa ba sira nian an, ba komunidade no nasaun. Infelismente, ohin loron ita la hare programa no medidas konkreta husi Governu atu kria espasu no oportunidade hodi dezenvolve sira nian potensialidade no kapasidade, no halo jovem sira asiste prosesu dezenvolvimentu husi do’ok deit”, Nurima Esplika.
Nurima argumenta, iha Programa IX Governu hateten katak, tau prioridade ba joven sira liu husi implementa planu asaun nasional ba juventude, planu ne’e rasik aprova ona iha VIII Governu, hodi hatur joven sira nian interese hanesan sentru ba atuasaun governu nian, liu husi liña ministeriu sira. Maibe, realidade mak agora laiha alokasaun orsamenetu ba implementasaun planu ne’e rasik.
“Ida ne’e laos deit problema estatistiku, maibe dadus sira ne’e hatudu kuadru ida ne’ebe nakukun, no dezenpregu ne’ebé joven sira iha hanesan desperdisiu rekursu Timor-leste nian, tanba joven sira hanesan rikusoin importante ida ba ita nian rain. Urgente no prioritariu tebes atu Estadu kria kondisaun atu bele garante empregu iha rai laran ba joven sira hodi bele sobrevive no bele hetan moris ho dignidade iha nian rain rasik”, Nia Salienta.
Tuir relatoriu survei forsa laboral tinan 2021, hatudu katak populasaun ho kategoria dezempregu hamutuk liu ema 12.000 (rihun sanulu resin rua) ka reprezenta 5,1%, katak sira ne’ebé buka empregu maibe laiha empregu. Feto sira ne’ebé dezempregu mak as liu ho persentajen 5,9%, kompara ho mane 4,6%. Ida ne’ebé sai preokupante liu tan mak joven sira ne’ebé ho idade 15 to’o 25, hamutuk liu 92,000 pessoas ka reprezenta 30,5% ne’ebé halo buat ida entre eskola, servisu no formasaun ruma no kontinua
