Reportajen : Sidonio Caet
Tve-t Dili, Sexta-Feira (08/03/2024) – Relasiona ho Komisaun G taka odamatan ba Movimentu Profesor kontratadu sira tinan 2023 bainhira manorin na’in sira atu hato’o sira nia keixa hasoru Ministeriu Edukasaun(ME) no Polisia Nasional Timor-Leste(PNTL) tanba kaptura no detensaun ba manorin nain sira nain walu tanba deskonfia halo Manifestasaun Ilegál
Tanba ne’e Relasiona ho aktu Komisaun G Parlamentu Nasional ne’ebe trata Asuntu Edukasaun, Sosiedade sivil sira Sente Triste ho situasaun moruk ne’ebé profesor kontratadu sira bainhira deputadu sira iha Komisaun G Parlamentu Nasionál ne’ebé hili husi povu taka odamatan ba sira
Nune’e Peskizadór AJAR, Inocencio de Jesus Xavier Kosidera Komisaun G Taka Odamatan kontribui ba prolema sosial
“Taka odamaten ne’e laos solusaun di’ak ba problema sira taka odamenta ne’e kontribui ba problema sosial, diak liu loke odamatan resolve no hakotu problema sosial, sira tenke Hatene katak mandatu sira hetan agora sai reprejentante povu ne’e mai husi profesor agora abandonadu ne’e tanba ne’e favor ida ko’alia ho sira hansa ita nia sidadaun, la bele eleisaun mak ita ba bosok elesaun hot ita haluha tia sira, ne’e ita Maupagador” hateten Peskizadór AJAR, Inocencio de Jesus Xavier iha salaun Canosa Manleuana.
Inocensio haktuir, Deputada/o sira tenke hatudu ba prsoefesor sira hanesan sidadaun, lalika basa liman ba Estudante sira pasa klase maibe la hatene Agradese didikasaun Profesor sira nian.
“Ko’alia ho sira ne’e ita nia sidadaun buka oinsa atu resolve, sira ne’e ema ne’ebe ? Durante sira nia temlu hahu husi 2003 to ohin loron sira nia kontribuisaun ne’e tau iha ne’ebe ? Entaun nune’e oinsa ?”. Nia hateten
Tanba ne’e Nia parte Husu Parlamentu Nasionl (PN) liu liu Komisaun G Ne’ebe trata asuntu Edukasaun loke odamatan ba Profesor sira, labele haree sira hanesan Opojisaun iha Parlamemtu, tanba Profesor sira mos sai hanesan sidadaun ne’ebe mak buka Justisa, nune’e tenke kolia ho Profesor sira hodi nune’e bele resolve Problema sira.
Iha fatin hanesan Sosiedade sivil liun husi Koordenador Timor-Leste Cualition Education (TLCE )José Monteiro hateten, atitude Komisaun G ne’e hanesan Anti Demokratiku no la hanesan Reprejentate povu iha parlamentu Nasional.
“Atitude ida ne’e anti Democratiku atitude ida ne’ebe la Reprejenta Povu, profesor sira ne’ebe mak ba Aprejenta sira nia Nesesidade sira nia Difikuldade no iha parte balun sira nu’udar Funsionariu Pùbliku Ministeriu Edukasaun Emprega sira atu hanorin Sidadaun Timor oan sira, maibe iha parte seluk sira mos nu’udar Konstituente ba forsa podér ne’ebe mak daundaun ne’e Parlamentu sira goja” hateten Koordenador Timor-Leste Cualition Education José Monteiro iha salaun Canosa Manleuana.
Koordenador ne’e Esplika, Deputada Sira Tenke asume Responasabilidade fo fila fali sira nia resposta naton ka adekuadu ba Difikuldade ne’ebe mak nia Konstituante sira enfrenta, tanba Profesor sira ba ho Pozisaun rua, ida nu’udar Konstituante ne’ebe mak vota sira iha eleisaun, ida nu’udar profesor ajente Administrasaun ne’ebe servisu Voluntariu hanorin estudante sira.
Enkuantu dadaun ne’e Numeru Profesor kontinua menus no iha Eskola Públika balun mos Mamuk bainhira estudante sira halo Prosesu Aprendizajem.
Tanba ne’e bainhira Ministeriu Edukasaun La iha Solusaun ba Profesor sira, sei fo prejuiju ba esforsu nasional Estadu, liu liu Esforsu Ministeriu Edukasaun nia ba iha aposta Kualidade Edukasaun Iha Timor-Leste.
