Tve-t, Dili Terxa feira (19/03/2024) – Bankada opozisaun Kmanek Haburas Unidade Nasional Timor Oan (KHUNTO) Deputadu Antonio Verdial alerta ba Governo liu husi Sekretario Estado Floresta atu bele halo monitorizasaun ba programa rehabilitasaun Kafe iha Timor-leste.
Tuir observasaun bankada KHUNTO, Durante ne’e hala’o hela husi Ministerio Agrikultura Rasik, liu-liu iha Posto Administrativo Hatolia B Suku Fatubesi Kafe hirak ne’ebe mak halo Rehabilitasaun husi Ministeriu Agrikultura ne’e kuaze maioria Mate no estragos, tamba laiha tekniko ruma hodi halao Monitorizasaun no Siensibilizasaun ba to’os nain Sira.Tamba ne reprezenta Povo liu husi Bankada KHUNTO husu ba Parte kompetente tau iha konsiderasaun.
Relasiona ho Problema Infraestrutura no Agrilultura ne’ebe sai Kestionavel iha Povo nia Moris, Bankada KHUNTO laiha Konflito de Interese ba parte ruma, maibe Bankada KHUNTO alerta nafatin ba Ministeriu Agrikultura
Liu husi Sekretario Estado Floresta, atu tau mos Prioridade ba Aktividade Reflorestasaun labele implementa deit iha sidade, Nune’e Bankada KHUNTO husu atu se bele karik aktividade Reflorestasaun tenke hala’o iha area remotas sira mos, hodi korresponde ba Redus Erosaun no Inundasaun iha País Joven ida ne’e, nune’e bele fo garantia ba Rezistensia Agrikultura hodi Rekopera Roda Ekonomia atu hatan mos ba Sustentabilidade Futuru Nasaun RDTL nian.
