Tve-t Dili, Kuarta – feira (20-03-2024) – Liu husi intervensaun politika iha Parlamentu Nasional(PN) bankada opozisaun Partidu Kmanek Haburas Unidade Nasional (KHUNTO), liu husi Deputadu Luis Roberto da Silva, kestiona kona ba Eleisaun ba Komissariu Komisaun Anti Korupsaun (KAK), ne’ebe besik tinan ida ona seidauk iha figura foun tamba la-iha konsensus ka laiha entidementu husi partidu politiku nebe tu’ur iha uma fukun parlamentu nasional hodi elege komisariu.
Deputadu ne’e argumenta, Korupsaun hanesan krime exra-ordinariu ho fenomena komplexu tebes hodi evolui kada loron ba loron. Efeitu husi korupsaun bele harahun demokrasia, hamate valor etika, justisa no teri netik dalan ba dezemvolvimentu nasional.
Enkuanto, la iha komisariu, serbisu prevensaun no kombate korupsaun la la’o tanba tuir lei estabelesimentu KAK dehan katak komissariu mak iha kompetensia uniku atu deside no delega serbisu ba sira parte investigasaun, prevensaun no kooperasaun.
Ho problemahirak ne’e, ita bele nota katak iha tendensia ba big design nebe hamosu risku korupsaun legal iha Timor Leste.
