Tve-t Dili, Segunda-feira (25/03/2024) – Magnifiku Reitor Universidade Nasional Timor Lorosa’e ( UNTL) João Soares Martins hateten, Dadaun ne’e parte Universidade kontinua prepara dadus kona ba estudante sira ne’ebe non ativu iha UNTL hahu kedas husi tinan 2000 to’o 2024, nune’e bele kontinua fila fali sira nia estudu.
“Neste momentu ami prepara hela dadus sei halo fazeadamente dados kona ba estudante sira ne’ebe la ativu maibe sei hahu uluk husi 2000 to’o 2012, semana oin dadus remata ami sei halo anunsio formal kona ba lista estudante sira liu husi website UNTL nian no mos media jornal sira ne’ebe existe hodi publika sira nia naran”, Dehan Magnifiku Reitor UNTL João Soares Martins, iha Palalsio Prezidensial Bairo Pite (25/03).
Reitor ne’e mos husu estudante sira karik sei iha vontade atu kontinua sira nia estudu iha UNTL, bele ba rejistu fali nune’e bele regulariza hodi hare sira nia situasaun atu nune’e hahu fali estudu to’o remata.
“Ami fo sira prazu fulan neen, maibe to’o fulan neen maka sira la mai ami sei hamos sira nia naran husi sistema maka sira sei lakon sira nia status hánesan estudante iha UNTL”, Reitor Salienta.
Enkuantu tuir baze dados ne’ebe maka iha porvolta 25 Mill estudantes non ativus sura kedas husi 2000 Mai to’o 2024.
Enkuantu Prezidente Repúblika José Ramos Horta 100% apoiu UNTL tanba hanesan universidade uniku estadu nian no povu Timor-Leste nian ho nune’e nia husu governu tenke investe maka’as ba UNTL.
“UNTL nia ezizensia ba 24 nafatin hetan dezafiu husi Rekursu Humanu menus professores, infraestrutura no ami nia kampus 6 kuaze espalladu iha Dili laran no ida iha Hera ne’ebé aban bairua sei sai futuru ba sidade universitariu tanba universidade atu diak liu ne’e kampus tenke konsentra iha hera mak hanaran sidade universitariu ne’ebé sei tau iha hera ne’e.” Nia hakotu.
