Tve-t,Terxa feira (02/04/2024) : Dili -Primeiru-Ministru, Kay Rala Xanana Gusmão husu ba Embaixadora Laura Abrantes bá Comunidade dos Paises de Lingua Portuguesa (CPLP) atu estabelese kooperasaun importante haat ho pais belun CPLP.
“Papel embaixadora nian iha CPLP, husi orientasoens sira ne’e para haree, purtantu, tenke halo uma leitura bá paízes membrus, estadus membrus da CPLP, depois aprende, haree, depois halo analiza saida mak ita bele iha kooperasaun ita bele halo. Tanba iha pilár haat importante, ne’ebé sai hanesan misaun embaixadora nian reprezenta país Timor-Leste ba CPLP nian, primeiru mak, Komite Konsertasaun Polítika Permanente, segundu pilar mak ida, divulgasaun ka difuzaun da Lingua Portuguêsa, terseiru, Kooperasaun Intermus áreas setóres ne’ebé mak ita haree hosi estudus ne’ebé ita haree ba iha paizes estadus CPLP ho ita nian, depois, ida kuartu pilár ne’e maka, Komérsiu Emprezárial,” informa Embaixadora Laura Abrantes ba jornalista, hafoin hala’o enkontru ho Xefe Governu iha Palasiu Governu, Dili.
Durante enkontru, cede estadu husu atu Embaixadora Laura tau aas no promove interese politika no ekonónomia, edukasaun no asuntu prioridade seluk- seluk tan ho CPLP.
“Ne’e uma ónra hanesan embaixadóra Timor-Leste bá CPLP, iha obrigasaun atu mai fó hatene, no ko’alia ho primeiru-ministru, husu orientasoens buat sira ne’ebé maka halo misaun ida hanesan reprezenta País Timor-Leste junta CPLP nian. Entaun, objeitivu é mais para orientasoens. Entaun ho sua-exelénsia Maun-Boot Kay Rala Xanana Gusmão bele fó orientasoens intermus polítika diplomasia, ekonomikamente, novas asuntus edukasionais, tanba ne’e sai hanesan piláres importantes,” nia agradese.
Embaixadora konsidera mensajen politika no motivasaun hosi Xefe Governu importante hodi orienta nia hala’o misaun ho susesu ezekuta orden xefe governu nian.
Embaixadora Laura simu hosi Prezidente Repúblika, José Ramos-Horta iha Palásiu Prezidensiál Nicolau Lobato, Dili loron kuarta (13/03/2024).
Tuir planu iha fulan ne’e, Embaixadora Laura sei arranka ba Portugál hodi hahu hala’o nia knaar.
