Tve-t Dili, 04 Abril 2024 – Primeiru-Ministru, Kay Rala Xanana Gusmão hato’o parabéns ba Primeiru-Ministru foun Portugál, Luis Montenegro ne’ebé simu tomada de posse iha loron tersa-feira 02 Abril 2024 hodi lidera XXIV Governu Konstitusionál.
“Eselensia Primeiru-Ministro ho orgulho boot, há’u haruka karta ida ne’e hodi kongratula ba XXIV tomada de posse Governu Konstitusional ne’ebé lidera husi Vossa Eselensia. Ita boot nia nomeasaun atinji ho signifakante tebes no hanesan rekonhesimentu husi ita boot nia kompromisu no dedikasaun ba povu. Hodi Povu no Governu Repúblika Demokrátika Timor-Leste no hodi há’u nia naran rasik, hakarak hato’o há’u nia felisitasaun ba Vossa Eselénsia no desejo susesu boot iha kargu exelente ida ne’e,” informa PM Xanana liu hosi karta mensajen ne’ebé haruka ba Primeiru-Ministru Republika Portugués Luis Montenegro iha Lisboa, Portugál, loron 2 fulan Abril 2024.
Xefe Governu, aproveita oportunidade ne’e manifesta no desejo susesu ba governu foun sei hametin liután kooperasaun ho Governu Timor-Leste.
“Aproveita oportunidade ida ne’e hodi manifesta há’u nia desejo no disponibilidade servisu iha konsolidasaun iha lasu históriku amizade, solidariedade no kooperasaun ne’ebé halo ita nia povo sira unidade no ita nia nasaun. Portugál hanesan nasaun referénsia ne’ebé mak sempre sai parseiru ne’ebé hamarik metin ho Timor-Leste, sempre fundamental ba prosesu konstrusaun Estadu,” dehan Xanana.
“No iha ambitu ne’e mós iha relasaun ho Estadu seluk, partikularmente nasaun amigu sira iha komunidade sira ne’ebé ko’alia lian portugûesa, ha’u fiar katak ho Governasaun husi Vossa Eselénsia, Ita sei kontinua servisu hanesan parseria ba defesa ne’ebé nia valores demokrátiku aas tebes no hodi halo promosaun ba interese komum. Há’u aprezenta ba Vossa Eselénsia, Sr. Primeiru-Ministru, votos prosperiedade ba Povo Portugês no há’u espresa há’u nia konsiderasaun ass,” PM Xanana agradese.
Primeiru-Ministru, Luis Montenegro ho membru sira simu pose hosi Prezidente Repúblika Portugál, Marcelo Rebelo de Sousa iha loron terça-feira, dia 2 de Abril 2024, oras 18:00, Palácio Nacional Lisboa, Portugál.
Xefe Governu Luis Montenegro ho nia kompozisaun membru governu na’in 17 kompostu feto hitu (7) no mane 10 ho kargu hanesan, Ministro de Estado e de Negócios Estrangeiros, Paulo Rangel, Ministro de Estado e das Finanças, Joaquim Miranda Sarmento, Ministro da Presidência, António Leitão Amaro, Ministro Adjunto e da Coesão Territorial, Manuel Castro Almeida Ministro dos Assuntos Parlamentares, Pedro Duarte, Ministro da Defesa Nacional, Nuno Melo, Ministra da Justiça Rita Judice, Ministro da Administração Interna, Margarida Blasco, Ministro da Educação, Ciência e Inovação, Fernando Alexandre, Ministra da Saúde, Ana Paula Martins Ministro das Infraestruturas e Habitação, Miguel Pinto Luz, Ministro da Economia, Pedro Reis, Ministra do Trabalho, Solidariedade e Segurança Social, Maria Do Rosário Palma Ramalho, Ministra do Ambiente e Energia, Maria da Graça Carvalho, Ministra da Juventude e Modernização, Margarida Balseiro Lopes, Ministro da Agricultura e Pesca, José Manuel Fernandes, Ministra da Cultura, Dalila Rodrigues.
Entretantu, kona-ba kargu sekretáriu estadu balun, tuir komunikadu imprensa hosi Palasiu Prezidensia Portugál katak, Xefe Estadu Marcelo Rebelo de Sousa sei fó posse iha loron 05 Abril 2024 ho oras no fatin hanesan.
Xanana mos agradese ba Eis Primeiru Ministru António Costa.
Entretantu, iha parte seluk, Primeiru-Ministru, Kay Rala Xanana Gusmão hato’o agradese ba kooperasaun servisu hotu ne’ebé eis Primeiru-Ministru Portugál, António Costa estabelese ho Governu Timor-Leste, antes remata ninia mandatu.
PM Xanana mós agradese tebes ba vizita ofisiál Eis Xefe Governu Portugál mai Timor-Leste iha loron 25 de Julho 2023 hatudu amizade forte entre nasaun rua ninia kooperasaun ne’ebé estabelese durante ne’e.
“Olá Querido Amigo! Di’ak ka lae? Espera selebrasaun paskua liubá la’o di’ak. Obrigada mós ba buat hotu, iha relasaun bilaterál Portugál ho Timor-Leste ne’ebé di’ak tebes. Dezeju buat hotu di’ak ba ita Dr. António nafatin sai amigu ba ami, no ita-bo’ot, hakuak boot querido amigo,” informa Xefe Governu Xanana liu husi via telefone foin lalais ne’e.
Xefe Governu Xanana agradese tebes ba vizita ofisiál ne’ebé hala’o hosi Eis Xefe Governu Portugál Antónia Costa hatudu domin hodi konsidera Timor-Leste nu’udar Pais maun no alin ho Portugál.
