Tve-t Dili, Segunda-feira (08/04/2024) – Bankada opozisaun Frente Revolusionario Timor-Leste Independente(FRETILIN) hato’o deklarasaun ne’e relasiona ho rekrutamentu funsionario oficiais administrasaun do sucu ne’ebe mak viola lei suku no dekretu lei n°81/2023 11 de outobru.
Tuir Lei No. 9/2016 8 Jullu konaba Suku define modelu fundamental ida ba organizasaun no funsionamentu servisu komunitarias nian iha Timor-Leste. Lei Suku ida ne’e estabelese prinsipiu independensia, lejitimidade no autoridade lider komunitaria sira nudar ezekutivu iha sira nia suku rasik.
Atu hala’o administrasaun suku ida ne’ebe ho responsabilidade no iha kapasidade administrativa ne’ebé adekuadu, Governu, no mos halo regulamentasaun ba valor subvenção pública husi estado ba finansiamentu ba despeza sira ne’ebe iha relasaun ho pagamento remunerações ba recursos humanos ba sira ne’ebe halao atividade no serviço iha administração do Suco sira.
DECRETO-LEI N.º 81/2023 de 11 de Outubro ne’e define kompetensia proprio Chefe do Suco sira nian ba rekrutamentu “Oficial de Administração do Suco” no responsabilidade Governu sentral, espesifikamente Ministerio da Administração Estatal atu halo regulamentasaun ba desizaun Chefe do Suco nian.
Infelizmente, Bankada Fretilin akompanha hela katak daudauk ne’e, Ministro da Administração Estatal halo esforsu ida atu halo “rekrutamentu” ba official de Administração do Suco” ne’ebe la regulariza iha DECRETO-LEI N.º 81/2023 de 11 de Outubro. Bankada Fretilin hare aktu ida ne’e nudar interferensia ba kompetensia poder lider komunitariu sira ne’ebe viola lei do Suco no mos DECRETO-LEI N.º 81/2023 de 11 de Outubro.
Nune’e bankada Fretilin hare katak Ministerio da Administração Estatal nia kompetensia proprio mak “regulamentar a organização e o funcionamento do Serviço de Administração do Suco, mediante diploma ministerial” hanesan hateten iha Artigu 11 hosi DECRETO-LEI N.º 81/2023 de 11 de Outubro.
Maibe, konaba poder rekrutamentu ba “Oficiais de Administração do Suco” ne’e nudar kompretensia Chefe do Suco rasik tuir Artigu 8.2 hosi DECRETO-LEI N.º 81/2023 de 11 de Outubro Lei, ne’ebe hateten katak Oficial de Administração do Suco ne’e “livremente nomeado e exonerado pelo Chefe de Suco, encontrando-se hierarquicamente subordinado ao Secretário da Administração do Suco.”
Nune’e, Bankada Fretilin hakarak husu ba Ministro da Administração Estatal atu respeita regra sira ne’ebe nia rasik prepara, labele hadau poder no kompetensia autoridade suku nian, atu nune’e bele halo tuir Primeiru Ministru Xanana Gusmao nia diskursu iha IX Governo nia tomada de posse ne’ebe hateten katak “A nossa prática governativa será orientada pelos princípios de boa governação, de inclusão e pelo princípio que todos devem obediência à lei.
