Tve -t Díli, Kinta-feira (11/04/2024) – Ligadu ho atividade sakrifisio husi Grupu arte marsiais Kmanek Oan Raiklaran( KORK), ne’ebe kada tinan sempre realiza hafoin kuaresma.
Ho ida ne’e iha loron 10 fulan abril tinan ne’e Sekretáriu Jeral KORK José Edmundo Caetano, alerta ona ba membru hotu iha territóriu laran tomak katak iha tinan ne’e la iha atividade sakrifisio no uza farda hodi halo atividade iha fatin publiku ho razaun grupu arte marsiais hotu sei iha hela fase suspensaun husi governu, tuir rezolusaun numeru 45/2003.
” Horiseik loron 10/04/2024 Ha’u aviza ona ba lideransa hotu hotu iha Territóriu Laran tomak atu orienta ba membru tomak, atu labele uza farda hodi halo atividade ilha Fatin publiku liliu ba iha loron sakrifisio nian. Ha’u mos orienta ona ba iha membru hotu labele mobiliza Malu hodi halibur Malu tamba iha rezolusaun numeru 45/2003, Governu prolonga to loron 10 fulan Outobru tinan ne’e”, Sekretáriu Jeral KORK José Edmundo Caetano informa ba Jornalista TVE, Kinta Feira ( 11/04/2024).
Ho nune’e mak iha tinan ida ne’e organizasaun Kmanek Oan Raiklaran(KORK) labele halo atividade sakrifisio hodi konsentra iha Ainaru tamba liga ho suspensaun ba atividades arte marsiais hotu iha Timor-Leste.
Tamba Ida ne’e Nia Husu ba membru hotu Tenke komprende no pasensia hodi kumpri nafatin rezolusaun governu nian, nune’e husu membru sira ida-idak hala’o sakrifisio iha ida-idak nia uma tuir kulturá Organizasaun nian.
