Tve-t Dili, Segunda-feira (22-04-2024) – Prezidente Repúblika José Ramos Horta ho delegasaun aranka ona ba Nasaun Portugál, hodi Partisipa iha seremonia aniversariu “Revolução Dos Cravos” ba Dala 50 iha Lisboa Portugal, loron 25 Fulan abril 2024.
Revolusaun Portugés ne’e nu’udar “Revolução dos Cravos” (Revolusaun Kravu nian). iha loron 25 de Abril ne’e, ema sei hanoin ba nafatin hanesan revolusaun ida ne’ebé hala’o iha dame nia laran no hanesan loron ida ne’ebé loke odamatan ba Liberdade no demikrasia iha Portugal.
Iha tempu ne’ebá, rejime Estado Novo nian loke dalan ba Portugal nia territóriu sira iha rai liur hodi hetan independénsia, inklui Timor-Leste.
Durante iha Portugal, Xefe Estadu sei hasoru malu ho nia Homologu Prezidente Repúblika Portuguesa, Marcelo Rebelo de Sousa, Prezidente Asembleia Nasionál, José Pedro Aguiar-Branco no Primeiru-Ministru Luís Montenegro.
Enkuantu Prezidente Republika Jose Ramos-Horta sei kontinua halo viajen ba New Jersey iha loron 29 fulan-abril, no sei hato’o dikursu formatura iha Universidade Rutgers ba tinan ida-ne’e, iha loron 30, ho tema “Lisaun kona-ba Funu no Pás husi suku ida iha Sudeste Áziatiku.” Prezidente Ramos-Horta iha “Doutor Honoris Causa” husi Universidade Rutgers.
Xefe estadu ho delegasaun sei fila husi Estadus Unidus iha loron 1 fulan-maiu no to’o iha Timor-Leste iha loron 3 fulan-maiu 2024.
