Tve-t Dili, Segunda-Feira ( 22/04/2024) – Relasiona ho Kongresu Nasionál Partidu Kmanek Haburas Unidade Nasionál Timoroan (KHUNTO) ne’ebé hala’o durante loron rua ne’e Sabadu no Domingu foin lalais ne’e, termina ona ho susesu no demokrátiku ne’ebe kongresista ka delegadu partidu KHUNTO nian depozita hodi fo nafatin konfiansa ba Armanda Berta dos Santo hodi elwitu dala ida tan nu’udár Prezidente partidu KHUNTO ba períodu 2024-2028.
Kongresu nasionál partidu KHUNTO ba da-IV ne’ebe Realiza iha delta Nova ne’e termina ho demokratikamente no hatudu resuktadu hodi aprezenta lista estrutura nian ne’ebé hatudu Prezidente Partidu KHUNTO katak Armanda Berta dos Santos re-eleitu nu’udar Presidente Partidu KHUNTO, Sekretáriu Jerál mak Ilídio Domingos de Araújo, Nicolau Freitas -Vise Prezidente I, Pedro dos Reis -vise Prezidente II, Juvinal da Costa -vise prezidente III, Ivo Lay -vise prezidente IV, no Aurora Peloy -vise prezidente V.
Enkuantu Adjuntu Sekretáriu Jerál I, dirige husi Zeto Patrocínio, Julião da Silva -adjuntu Sekretáriu Jerál II, Teodoru Soares -adjuntu sekretáriu jerál III, Hipolito Soares -adjuntu sekretáriu jerál IV no Teodoru dos Reis -adjuntu sekretáriu jerál V.
Tanba ne’e Presidente Partidu Kmanek Haburas Unidade Nasionál Timoroan (KHUNTO) Armanda Berta do santo hateten, Agradese ba Kongrasista sira liu liu ba konseileru masimu Partidu KHUNTO ne’ebe mak fo konfiansa dala ida tan hodi lidera partidu ne’e.
“Ohin loron 21 de Abril 2024 imi hotu fo fiar mai hanesan presidente no hau rasik nafatin lidera partidu ida nee hamutuk ho konsileiru partidu KHUNTO no Bá konselleiru másimu no kongresista hotu nia konfiansa mai ami hodi servisu lori partidu bá oin, liu-liu atu haree bá eleisaun ne’ebé sei tuir iha tinan-lima, agradese ba konseilleru sira hotu ne’ebe hahu husi 2011 to’o mai iha 2024 halo tinan ba 13 ha’u hanesan Presidente Partidu KHUNTO “. Hateten nia.
Armanda hatutan, hakarak mos agradese espesialmente ba Kongrasista sira hotu inklui lider Supremu KHUNTO nian ne’ebe mak suporta masimu ba iha partidu KHUNTOdurante nia ezistensia no Konseleiru hotu no Estrutura mak tomak.
Alennde ne’e Armanda Berta dos Santos hanesan Prezidente Partidu KHUNTO husu bá estrutura atu kontinua iha kompromisu hodi servisu hamutuklori partidu KHUNTO bá oin no nia hein katak ho estrutura foun Partidu KHUNTO bele kontinua servisu makas bá vitória iha futuru.
Iha fatin hanesan, Sekretáriu Jerál Partidu KHUNTO, Ilídio Domingos de Araújo, afirma katak ho estrutura foun ne’ebé ohin eleitu husi konresu ne’e, sei nafatin servisu hamutuk ho estrutura seaante hodi lori partidu KHUNTO bá futuru.
“Ohin Ha’u nafatin bele hamriik ho kolega sira iha ne’e tanba mai husi kongresista sira nia esforsu, tanba imi hotu nafatin tau konfiansa ho imi tomak nia matenek mak ita realiza kongresu nasionál ne’e no ikus mai tula mai ami nia kabaas responsabilidade atu ita hamutuk lori susesu ba ita nia partidu,” Ilídio Domingos de Araújo hateten.
Nia hateten hamrik iha ita boot sira nia oin laos tamba ami nia kbi’it maibe konrasista sira nia intervensaun ho sira nia matenek no sira nia servisu makas.
Iha fatin hanesan Konselleiru Supremu Partidu KHUNTO, José dos Santos Naimori Bucar hateten partidu KHUNTO nia dezafiu sira hotu iha 2023, agora prepara an bá eleisaun sira ne’ebé sei mai iha tinan sira mai ne’e.
Konsileiru KHUNTO ne’e mos Agredese ba Kontrasista sira hotu ne’ebe mak kompostu husi 13 munisipiu no Konseleiru sira hotu no nia deklara katak ba oin sei kompleta liu tan ba Estutrutura hodi lori partidu KHUNTO ba iha Eleisaun ne’ebe mak sei mai.
“Realiza kongresu ne’e atu hili fila faliita nia estrutura foun, ha’u agradese Ba ita hotu-hotu husi munisípiu 13 ho Atauru, imi fó fiar ba estrutura ne’ebé ohin imi rasik deside katak sira mak sai matadalan bá iha partidu KHUNTO,” hateten José dos Santos Naimori Bucar iha Salaun Delta nova Dili.
Enkuantu Konselleiru supremu ne’e dezafia estrutura partidu KHUNTO atu kontinua servisu maka’as áa partidu no labele ta’uk atu halo buat loos hodi defende povu nia interese.
Nia afirma KHUNTO iha esperansa ida ho domin no haraik an hodi manan buat hotu no bele realiza kongresu nasionál hodi eleje estrutura founpPartidu nian bá períodu 2024-2028.
Iha Kongresu Nasionál ne’e, Partidu KHUNTO fó mos pose bá estrutura konselleiru nasional hamutuk ema na’in-sanulu, Konsellu Fiskal, Jurizdisaun, Verifikasaun no Kontas hamutuk 11 no Finansas Partidu nian hamutuk ema na’in-tolu 30.
