Tve-t, Segunda feira (22/04/2024) Itaslia – Primeiru-Ministru, Kay Rala Xanana Gusmão akompaña hosi Ministru Juventude, Desportu, Arte no Kultura, Nelyo Isaac Sarmento no Sekretariu Estadu Arte no Kultura (SEAK), Jorge Soares Cristovão hato’o agradese ba entidade estranjerus sira ne’ebé hala’o vizita no apoia Governu Timor-Leste hodi realiza no harii paviliaun Timor-Leste hodi promove obra arte konteporánea oin-oin iha esposizasaun Arte Internasionál ba dala-60, ne’ebé hala’o iha sidade Biennale de Venice-Italia.
Xefe Governu hato’o asuntu ne’e bainhira remata serimónia lansamentu paviliaun Timor-Leste no realiza serimónia agradesimentu komisaun organizadora Timor-Leste no ekipa reprezentante Governu sidade Biennale de Venice-Italia.
Serimónia anima hosi Artista, Maria Madeira no Alfeu Pereira hodi hanamu muzika tebedai hodi anima no fó mutivasaun ba ekipa komisaun organizadora sira ne’ebé sei hala’o servisu promove obra arte konteporánea durante expozisaun mundiál ne’ebé iha fulan hitu nia naran, Abril too Novembru 2024.
