Tve-t, DILI, 24 Abríl 2024 – Embaixadór foun Estraordináriu no Plenipotensiáriu Timor-Leste bá Repúblika Moçambique, Luis Miguel Lopes de Sousa Sequeira, molok dezloka ba hala’o Misaun Estadu iha Moçambique, hasoru malu ho Primeiru-Ministru, Kay Rala Xanana Gusmão, hodi hato’o agradesementu ba konfiansa ne’ebé Estadu Timor-Leste depozita hodi hala’o misaun diplomátiku ne’e.
Alende ne’e, simu mós orientasaun polítika hosi Xefe Governu hodi bele hala’o kna’ar nu’udar reprezentante Estadu durante hala’o Misaun.
“𝐈𝐦𝐩𝐨𝐫𝐭𝐚𝐧𝐭𝐞 𝐭𝐞𝐛𝐞𝐬 𝐛𝐚 𝐢𝐭𝐚–𝐛𝐨’𝐨𝐭 𝐧𝐢𝐚 𝐦𝐢𝐬𝐚𝐮𝐧 𝐦𝐚𝐤𝐚 𝐤𝐚𝐞𝐫 𝐦𝐞𝐭𝐢𝐧 𝐩𝐫𝐢𝐧𝐢𝐬𝐢𝐩𝐢𝐮 𝐓𝐢𝐦𝐨𝐫–𝐋𝐞𝐬𝐭𝐞 𝐡𝐨𝐝𝐢 𝐡𝐚𝐦𝐞𝐭𝐢𝐧 𝐤𝐨𝐨𝐩𝐞𝐫𝐚𝐬𝐚𝐮𝐧 𝐡𝐨 𝐄𝐬𝐭𝐚𝐝𝐮 𝐌𝐨𝐜̧𝐚𝐦𝐛𝐢𝐪𝐮𝐞. 𝐏𝐫𝐢𝐧𝐬𝐢𝐩𝐢𝐮 𝐈𝐗 𝐆𝐨𝐯𝐞𝐫𝐧𝐮 𝐊𝐨𝐧𝐬𝐭𝐮𝐭𝐮𝐬𝐢𝐨𝐧𝐚́𝐥 𝐝𝐞𝐟𝐢𝐧𝐞 𝐧𝐢𝐚 𝐩𝐨𝐥𝐢́𝐭𝐢𝐤𝐚 𝐞𝐬𝐭𝐞𝐫𝐧𝐚 𝐡𝐨 𝐩𝐫𝐢𝐧𝐬𝐢́𝐩𝐢𝐮 𝐢𝐝𝐚 𝐧𝐞’𝐞𝐛𝐞́ 𝐤𝐨𝐧𝐬𝐚𝐠𝐫𝐚 𝐬𝐞𝐧𝐭𝐢𝐝𝐮 𝐢𝐧𝐝𝐞𝐩𝐞𝐧𝐝𝐞́𝐧𝐬𝐢𝐚 𝐧𝐨 𝐬𝐨𝐛𝐞𝐫𝐚𝐧𝐢𝐚 𝐦𝐚𝐤: “𝐁𝐚 𝐓𝐢𝐦𝐨𝐫–𝐋𝐞𝐬𝐭𝐞, 𝐋𝐚𝐢𝐡𝐚 𝐀𝐥𝐢𝐚𝐝𝐮 𝐤𝐚 𝐈𝐧𝐢𝐦𝐢𝐠𝐮, 𝐇𝐨𝐭𝐮–𝐇𝐨𝐭𝐮 𝐬𝐞𝐢 𝐇𝐚𝐦𝐮𝐭𝐮𝐤 𝐧𝐨 𝐀𝐌𝐈𝐆𝐔𝐒 𝐝𝐞’𝐢𝐭!”. 𝐈𝐝𝐚 𝐧𝐞’𝐞 𝐬𝐚𝐢 𝐡𝐚𝐧𝐞𝐬𝐚𝐧 (𝐓𝐢𝐦𝐨𝐫) 𝐢𝐭𝐚–𝐧𝐢𝐚 𝐥𝐞𝐦𝐚, 𝐧𝐞’𝐞𝐛𝐞́ 𝐬𝐞𝐢 𝐨𝐫𝐢𝐞𝐧𝐭𝐚 𝐢𝐭𝐚 𝐢𝐡𝐚 𝐫𝐞𝐥𝐚𝐬𝐚𝐮𝐧 𝐞𝐬𝐭𝐞𝐫𝐧𝐚, 𝐢𝐡𝐚 𝐤𝐨𝐧𝐣𝐮𝐧𝐭𝐮𝐫𝐚 𝐢𝐧𝐭𝐞𝐫𝐧𝐚𝐬𝐢𝐨𝐧𝐚́𝐥 𝐬𝐢𝐫𝐚 𝐡𝐨𝐝𝐢 𝐡𝐚𝐦𝐞𝐭𝐢𝐧 𝐧𝐨 𝐬𝐢𝐦𝐮 𝐧𝐚𝐬𝐚𝐮𝐧 𝐡𝐨𝐭𝐮,” PM Xanana hateten durante enkontru ho Embaixadór Luis, iha Palásiu Governu, kuarta (24/04).
Timor-Leste no Moçambique iha relasaun istórika no kulturál hanesan eis-koloniál Portugés. Nasaun rua ne’e estabelese relasaun diplomátika iha tinan 2002, lakleur depois Timor-Leste hetan independénsia to’o agora mantein nafatin relasaun polítika amigavel, hodi hatudu apoiu ba malu ba dezenvolvimentu no esforsu sira atu harii nasaun.
Embaixadór Luis Sequeira kompromete atu habelar kooperasaun Timor-Leste ho Moçambique iha área prinsipál sira ba kontinuasaun parseria inklui edukasaun kruzada, justisa no kooperasaun jurídika, jestaun rekursu naturál sira, no servisu hamutuk hodi alkansa Objetivu Dezenvolvimentu Sustentavel (ODS).
“𝐓𝐢𝐦𝐨𝐫–𝐋𝐞𝐬𝐭𝐞 𝐢𝐡𝐚 𝐤𝐨𝐦𝐩𝐫𝐨𝐦𝐢𝐬𝐮 𝐚𝐭𝐮 𝐚𝐩𝐨𝐢𝐚 𝐝𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐧𝐨 𝐬𝐞𝐠𝐮𝐫𝐚𝐧𝐬𝐚 𝐌𝐨𝐜̧𝐚𝐦𝐛𝐢𝐪𝐮𝐞 𝐧𝐢𝐚𝐧, 𝐥𝐢𝐮 𝐡𝐨𝐬𝐢 𝐥𝐢𝐠𝐚𝐬𝐚𝐮𝐧 𝐟𝐫𝐚𝐭𝐞𝐫𝐧𝐚́𝐥 𝐞𝐬𝐩𝐞𝐬𝐢𝐚́𝐥 𝐡𝐚𝐧𝐞𝐬𝐚𝐧 𝐧𝐚𝐬𝐚𝐮𝐧 𝐬𝐢𝐫𝐚 𝐧𝐞’𝐞𝐛𝐞́ 𝐤𝐨’𝐚𝐥𝐢𝐚 𝐥𝐢𝐚𝐧 𝐏𝐨𝐫𝐭𝐮𝐠𝐞́𝐬”, nia dehan.
Luis Miguel Lopes de Sousa Sequeira simu pose hosi Prezidente Repúblika, José Ramos-Horta, kinta (18/04/2024).
Embaixadór Luis Miguel Lopes de Sousa Sequeira nu’udar profisionál timoroan ida-ne’ebé iha susesu bo’ot tebes iha área análize polítika, koordenasaun programa, kapasitasaun no fortalesimentu institusionál ba organizasaun internasionál sira hanesan Banku Dezenvolvimentu Aziátiku (ADB), Banku Mundiál, no AusAID. Hala’o estudu iha Universidade Nasionál Austrália, inklui iha Diplomasia, Asuntu Internasionál no Polítika Públika.
Embaixadór Luis Miguel Lopes de Sousa Sequeira hatudu ona kompromisu kle’an ba edukasaun no dezenvolvimentu profisionál. Nia dezempeña knaar seniór oin-oin, inklui nu’udar Koordenadór Prinsipál ba Asisténsia Téknika ADB nian ba Bee Timor-Leste husi tinan 2021 to’o 2023, Analista Polítika ba Servisu Bee no Urbanu no Konselleiru Polítika Bee nian iha ADB.
Nu’udar Adidu Edukasaun iha Brazil ho Ministériu Edukasaun Timor-Leste, Asesór Sénior Polítika Públika ho Sekretáriu Estadu ba Haforsa Institusionál, Asesór Nasionál ba Desentralizasaun ho Banku Mundiál, no Koordenadór Sénior no Pontu Fokál Jéneru ho AusAID. Fluente iha lian Tetun, Portugés, Inglés no Indonézia, Sequeira mós okupa kargu lideransa iha organizasaun desportiva sira.
