Tve-t Dili, Kinta-feira (02/05/2024) – Prezidente Repúblika(PR) José Ramos Horta konsidera Liberdade imprensa Hanesan parte demokrasia ida iha Estado de direito, la iha demokrasia sei la iha liberdade imprenssa.
Xefe estadu dehan, iha setor Liberdade Imprensa, organizasaun internasional Reporters Sein Fronteira, bazeia iha bruxelas halo avaliasaun liberdade imprenssa iha mundo, no koloka Timor-Leste iha top sanulu (10).
“Liberdade Imprensa iha Mundo, Timor-Leste nu’udar top sanulu , la inklui nasaun husi Asean seluk inklui, Afrika , Amerika latina entermos liberdade imprenssa Timor Leste Uniku, Nune’e Orgullo maibe ne’e hanesan obrigasaun tamba konstituisaun determina impoin ida ne’e liberdade total, liberdade de pensamento, fiar relijaiun , liberdade hili lider sira , ita nia konstituisaun impoin multipartidarismo , ne’e duni koalia kona ba demokrasia, ko’alia kona ba multipartidarismo, la bele kopia fali nasaun seluk maske iha demokrasia maibe la promove liberdade imprenssa , tamba liberdade imprenssa mak defini natureza no verdaderia demomkrasia ou demokrasia ne’ebe los”, Horta dehan (02/05).
Horta fo ezemplu ba nasaun seluk iha Europeia liu-liu nasaun dezenvolvido hanesan EUA, Amerika, Australia no seluk Tan. La iha nasaun ida ke tama iha grupo top 10 , nune’e Timor Leste uniku.
Nune’e Xefe estadu Espera, Governante Sira, Lezislador sira labele halo lei ruma liu-liu kona ba defamasaun ke bele depois trava fali liberdade imprenssa.
Loron mundial liberdade imprenssa 03 Maio, Horta hakruuk no fo homenajen ba Jornalista sira Timorense inklui estranjeiru, ne’ebe lakon sira nia vida iha tempo luta ba independesia Timor-Leste Jornalista.
“Felisitasaun ba Jornalista hotu-hotu iha Timor-Leste, ne’ebe hahu ho restaurasaun indepedensia ho kosar, fera kakutak halo sakrfiicio, tamba Timor-Leste nia ekonomia, purtantu laos ekonomia boot hanesan rai seluk. Media bele iha meios indepedensia para hotu –hotu bele servisu di’ak kondisaun teknikas, kondisaun humana, ho kondisaun social diak. Ejiji ema ne’ebe fiar an hakarak gosta duni aktividade ida ne’e, maske kompensasaun material kiik liu”,Horta Salienta.
Enkuantu Prezidente Repúblika José Ramos Horta mos hato’o Parabens ba jornalista sira hotu iha mundu espesialmente jornalista sira iha Timor-Leste desejo hala’o servisu Hotu ho fiar an no lealmente no transparansia ba publiku liu husi fo sai informasaun sira.
