Tve-t Dili, 22 Maiu, 2024 – Prezidente Repúblika (PR) Jose Ramos-Horta, fo posse ba Embaixadór foun Timor-Leste nian ba Malázia no Vietnam, iha Palásiu Prezidensiál Nicolau Lobato.
Lisualdo Gaspar hetan pose nu’udar Embaixadór Estraordináriu no Plenipotensiáriu Repúblika Demokratika Timor-Leste nian ba Malázia. Hánesan Diplomata ida-ne’ebé iha esperiénsia liu dékada rua, Embaixadór Gaspar servisu iha kargu seniór oin-oin iha Ministeriu Negosius Estranjeirus no Kooperasaun dezde 2001, inklui kargu sira hanesan Embaixadór Nova Zelándia, Ministru Konselleiru iha Jakarta, no Sekretáriu Segundu iha Canberra.
João Pereira hetan pose nu’udar Embaixadór Estraordináriu no Plenipotensiáriu Repúblika Demokratika Timor-Leste nian ba Repúblika Sosialista Vietnam. Embaixadór Pereira lori esperiénsia ne’ebé luan husi servisu ba Nasoins Unidas no governu Timor-Leste iha governasaun, administrasaun públika no edukasaun. Mais resentemente nia servisu nu’udar asesor ba Prezidente iha asuntu Relasaun Internasionál husi 2022-2024.
Prezidente Ramos-Horta ko’alia liu kona-ba relasaun bilaterál ne’ebé forte no amigavel ne’ebé Timor-Leste estabelese ho Malázia no Vietnam, ne’ebé harii ho respeitu no kooperasaun ba malu dezde independénsia iha 2002.
Prezidente Repúblika hato’o ninia agradesimentu ba apoiu dedikadu husi Malázia mai Timor-Leste dezde independénsia, inklui kontribuisaun ba misaun manutensaun ba pás, fasilita ligasaun aereu durante pandemia COVID-19, no organiza misaun diplomátika dahuluk Timor-Leste nian iha rai-li’ur.
Enkuantu Timor-Leste no Vietnam asina tiha ona akordu enkuadramentu kona-ba tékniku, kooperasaun ekonómika no komérsiu, negosiasaun sira la’o hela ba akordu adisionál sira kona-ba servisu aereu, protesaun ba investimentu, no seguransa ai-han.
“Hau iha konfiansa tomak katak Embaixadór Gaspar no Pereira sei reprezenta interese ita-nia nasaun nian no sei hametin liután lasu amizade no kooperasaun entre Timor-Leste ho Malázia no Vietnam respetivamente,” dehan Prezidente Ramos-Horta (22/05).
Embaixador Foun Timor-leste Designado ba Repúblika Socialista Vietnam João Pereira, Onra boot tamba simu pose husi Xefe Estadu hodi sai nu’udar embaixador Timor-Leste ba Malázia, ne’e Hánesan responsabilidade no mos oportunidade hodi servi ba Nasaun.
” Onra boot Simu pose husi Prezidente República atu sai nu’udar embaixador Timor-Leste ba Malázia, ba ha’u nu’udar diplomata ida, responsabilidade boot ida ne’e hanesan mos oportunidade atu serbi ita nia rai, tamba ne’e agradese ba konfiansa husi estadu hodi servisu Hánesan embaixador hodi serbi iha Malázia. Malázia Hánesan Paiz Ida ne’ebé importante Tebes ba Timor- Leste, Tamba Governu no Povu Malázia apoiu Tebes Timor- Leste iha momentu difisil ne’ebe maka Ita Nia Nasaun ultrapasa ba prosesu ukun rasik an, nune’e hafoin restaura indepedensia tiha Malázia mos kontinua apoiu Ita iha koperasaun ba area Oioin. Hau Nia miasaun ayu servisu makaas ho dedikasaun atu eleva Liu Tan Ita Nia relasaun ho Malázia iha area ne’ebe Mak Ita iha ona, no promove diak liu tan relasaun no Investimentu. no atu asegura katak Timor oan ruma Ne’ebe mak presija tulun ruma asistesia iha Malázia, Hau sei garante asistensia ne’ebe mak adekuadu”, dehan embaixador João.
Embaixador Timor-Leste Designado Ba Malázia Lizualdo Gaspar, dehan sei ezekuta orientasaun Hotu husi estadu no Buka fortaleze relasaun di’ak nune’e bele ganha investir Sira Mai investe iha Timor-Leste.
“Nu’udar embaixador foun ha’u simu kna’ar todan ida maibe Hau sei kumpri ezekuta tuir orientasaun estádu nian, hau agradese no apresia ba povu Timor- Leste no Governu hodi fo ona fiar ida ne’e ba ha’u. Nune’e Hau tenta halo kna’ar ida ne’e ho responsabilidade na povu Timor leste. Ita hotu hatene iha tinan Tolu Nunu ikus ne’e Vietnam Nia ekonomia sae maka’as iba Asia Hánesan nasaun ne’ebe mellor desenvolvimento economia. Tamba ne’e konsentrasaun Hau nian iha ne’eba sei buka halo negosiasaun di’ak fortaleze relasaun diplomatika ho Vietnam oinsa Ita bele kopera iha area Sira ne’ebe Mak importante no esensial ba Ita Nia Rai Timor- Leste, Area Sira ne’ebe Mak orasa ne’e Lao Hela dadaun Mak Ita iha koperasaun ho Vietnam Mak Kona ba negosiasaun Kona ba fos, ne’e ita iha MOU iha ho Vietnam iha 2015 oras né Dadaun lao hela Hau sei tenta hare fila fali MOU Ida ne’e oinsa Hadi’a no iha buat Balu ne’ebe Presija ajusta iha neba”, Dehan Embaixadór Vietnam.
Embaixador foun ne’e argumenta iha akordu potensial balun ne’ebe mak Agora surje hela hanesan, akordu ne’ebe Governu Vietnam Haruka ona esbosu mai Governu Timor- Leste Kona ba Protesaun Investimentu nian, ohin loron esbosu ne’e paradu Hela iha Governu, nune’e embaixador foun ne’e promete sei halo relasaun diplomata di’ak liu tan nune’e iha Futuru bele dada invetidor sira husi vietnam mai investe iha Timor-Leste.
Prezidente dezeju susesu ba Embaixadór foun sira atu hametin liután relasaun ho parseiru rejionál importante sira no halo promosaun ba interese sira Timor-Leste nian iha rai-li’ur.
