Tve-t,Dili Terxa feira (28/05/2024) – Deklarasaun ne’e hato’o husi Deputada bankada opozisaun Fretilin Maria Anabela Savio, relasiona Prezidente Autoridade Reziaun Administrativa Espesial Oecusse Ambeno (RAEOA) Rogerio Lobato ho membru sira halo aktu krime kontra lei deliberasaun liga ho investimentu publiku no komersial iha Fulolo-Oe-Cusse.
Hatudu iha publiku katak Prezidente Autoridade lahatene responsabilidade akuntabilidade no etika moral ba obra sira ne’ebé halo iha Oe-Cusse.
“Ami levanta no kestiona aktus ida ne’e tamba ami hare viral iha media sosial, rona diretamente husi ema sira nebe mak sai testamunha iha loron refere nomos ami ba vizita uma fatin fulolo iha loron tuir mai.Bazeia ba informasaun nebe mak ami simu husi fontes balu hato’o katak , Antes ne’e LA IHA NOTFIKASAUN husi Autoridade. PA ho ekipa selok Portaun bot, selok odamatan uma nian hodi bele tama ba uma livremente, Ikus mai husik deit odamatan uma ho Janela balu nakloke nafatin.Sai membru autoridade tenke hatene responsabilidade akuntabilidade no etika moral ba obra ne’ebé iha.Sai membru autoridade iha kompetensia maximu deliberasaun”, dehan Deputada Liu husi intervensaun iha Parlamentu Nasional.
Deputada ne’e fundamenta, Kada deliberasaun iha nia natureza rasik, deliberativa ne’ebé bazeia ba dekretu governu ka dekretu Lei, bazeia ba Lei no Konstituisaun.Lei investimento publiku fo dalan ba membru ezekutador ne’ebé iha kompetensia maximu atu ezekuta bazeia dekretu Lei orsamentu jeral estadu kada annual.
Ho nune’e, autoridade RAEOA sesante hasai deliberasaun liga ho investimentu publiku no komersial iha Fulolo mak hanesan tuir mai ne’e:
1.Deliberasaun da Autoridade no.13/2017 de 14 de Setembro, sobre o investimentu, Komersial imobiliariu na area de Fulolo e 200 casas komunitarias, pante makasar Oecusse – Ambeno
2.Deliberasaun da Autoridade no 15/2017 de 6 de Setembro sobre O investimento imobiliario komercial no komplexu Residencial de Fulolo.
“Habitasaun bairo komunitarios nu’udar planu ordenamentu territorial atu re-organiza habitasaun sosial iha rai Enklave, nune’e iha futuru labele akontese inundasaun, engarafamentu nstMaibe PA nia membru sira inkapasidade, sira la buka hatene tuir” , Nia dehan.
Ho Investimentu refere, Autoridade hanoin oinsa bele hatama fali reseitas ba estadu duke despezas, nune’e maka Autoridade hasai tan deliberasaun ba kontribuisaun nudar Investimentu Komersial no arendamentu (aluga).
Estadu investe atu hatama fali osan duke hakoi osan. Iha kapital dezenvolvimentu estadu sei la sente lakon osan, porque iha balansu entre valor osan ho valor patrimonio mobiliario imoveis. Até diak liu tan, Estadu investe ho despesas kik maibe reseitas bot. Nune’e investimentu komersial ne’e atu sidadaun sese deit iha interese bele sosa ka aluga uma iha Fulolo.
Mekanizmu hodi hetan lalais kliente maka deliberasaun ne’e prefere liu ba membru Autoridade sira. Atu kiik ka bot, Autoridade sesante Mari Alkatiri investe ona nu’udar renda regional , atu futuru ita nia Nasaun husik dependensia ba mina rai.
Nune’e bankada opozisaun ne’e konsidera Atual PA ukun ho Odio vingansa, estraga deit partimonio diak sira hanesan investimentu proproi, la fo importansia ba dezenvolvimentu, la iha interese atu kontinua obra hirak nebe mak halo ona iha Oecusse, la rekonhese publikamente buat diak nebe mak antes ne’e hari’i ona.
