Tve-T,Dili (24/06/2024) – Sala Leitura Xanana Gusmão (SLXG) Realiza Kalan Angariasaun Iha Sábadu (22/06) Ne’ebé Realiza Iha El Legendario Lecidere, Liu-Hosi Leilaun Pintura Ho Fotografia Oioin No Konsege Hetan Fundus Hamutuk $1.760.000, Atu Bele Fasilita Labarik Sira, Estudante No Joven Sira Bele Asesu Liu Tán Bá Leitura Iha Fatin Ne’e.
Fotografia Sira Ne’e Kay Rala Xanana Gusmão Rasik Mak Hasai Bainhira Hala’o Vizita Bá Munisípiu Sira, No Pintura Sira Ne’e Pinta Hosi Pintór Timoroan Jacinto Baptista, Inklui Pintura Dijitál Hosi Pintór Lejiavál No Mós Pintór Lokál Sira, Tanba Servisu Hamutuk Ho Sala Leitura Xanana Gusmão.
Fotografia Sira Ne’ebé Xanana Gusmão Rasik Mak Hasai, Kona-Bá Natureza Timor Nian, Ema Ko’a Hare No Seluk Tán, Enkuantu Pintura Ne’ebé Pintór Timoroan Sira Pinta Ne’e Kona-Bá Personalidade Hosi Líder Nasionál Kay Rala Xanana Gusmão, Kona-Bá Natureza Timor Nian No Seluk Tán.
Leilaun Mós Bá Kamiza Jersey Hosi Clube Futeból Real Madrid Númeru 7 Hamutuk Rua (Kiik No Boot) Ne’ebé Iha Asinatura Cristiano Ronaldo.
Iha Mós Leilaun Bá Kamiza Ne’ebé Mak Komisaun Organizadora Utiliza Iha Serimónia Istórika Restaurasaun Independénsia Timor-Leste (TL) Nian Iha 20 Maiu Tinan 2002 Iha Tasi-Tolu, Inklui Relójiu.
Leilaun Bá Kadeira Ida Oferese Hosi Centro Bambu Tibar Nu’udár Prezente Aniversáriu-78 Líder Nasionál Kay Rala Xanana Gusmão No Ikus-Liu Maka Sala Leitura Xanana Gusmão Fa’an Billete Sorteiu Iha Kalan Angariasaun Ne’e.
Produtu Sira-Ne’e, Sala Leitura Xanana Gusmão Leilaun Ho Pressu Hahú Hosi $10.000 To’o $405.000 Ho Totál Orsamentu Ne’ebé Hetan $1.760.000 No Leilaun Hosi Intelektuál Sira Timoroan Nian Inklui Seitór Privadu Sira.
Prezidente Komisaun Organizadora Bá Eventu Ne’e Maka Kay Olok Sword Gusmão, Ne’ebé Iha Oportunidade Ne’e Lori Sala Leitura Xanana Gusmão Nia Naran, Hakarak Hato’o Agradesimentu Kle’an Bá Ema Hotu-Hotu Ne’ebé Fó Ona Apoiu Iha Kalan Espesiál Ida-Ne’e.
“Ne’e La’ós Primeriavés Sala Leitura Simu Tulun Hosi Doadór Sira, Ne’ebé Sempre Fó Apoiu Iha Momentu Oioin. Ho Ida-Ne’e, Nu’udár Prezidente Komisaun Organizadora, Hakarak Hateten De’it Katak, Ami La Hatene Oinsá Atu Selu Fali Ita Boot Sira-Nia Laran Di’ak. Ami Bele Promete De’it, Ho Kontribusaun Ne’ebé Ita Boot Sira Fó, Ami Sei Utiliza Hodi Bele Haburas No Promove Nafatin Litérika No Edukusaun Bá Ita-Nia Joven No Labarik Doben Sira Iha Timor-Leste,” Kay Olok Sword Gusmão Hateten Iha Diskursu.
Iha Fatin Hanesan Jestora Sala Leitura Xanana Gusmão, Maria Amaral Guterres Agradese Bá Konvidadu Sira, Korpu Diplomátiku Sira, Membru Governu, Parseiru No Grupu Melbourne University Hosi Austrália Ne’ebé Marka Prezensa Iha Fatin Ida-Ne’e, Kalan Angariasaun Ne’e.
Jestora Ne’e Konsidera Selebrasaun Aniversáriu Sala Leitura Xanana Gusmão Bá Tinan Ida-Ne’e Espesiál Teb-Tebes Tanba Partisipa Hosi Fundadora Kirsty Sword Gusmão No Mós Patrosinadór Foun, Liu-Liu Kay Olok Sword Gusmão Hanesan Prezidente Bá Komisaun Organizadora Bá Eventu Kalan Ida-Ne’e.
Maria Introdús Katak, Sala Leitura Xanana Gusmão Funda Hosi Kirsty Sword Gusmão, Iha Loron 20 Juñu 2000 Bainhira Kay Rala Xanana Gusmão Selebra Aniversáriu Bá Dala-54.
“SLXG Harii Ho Objetivu Atu Kria Espasu Úniku No Inklzivu Ne’ebé Mak Bele Hamoris Paixaun Bá Lee No Aprende Iha Komunidade Timor-Leste Liu-Liu Bá Jerasaun Foun Sira,” Maria Hateten.
SLXG Mós Hari Atu Fornese Envairomentu Ne’ebé Amigável Bá Ema Hotu-Hotu No Fásil Hodi Asesu Atu Promove Literásia, Hanoin Krítiku, Kreatividade No Konserva Kultura Ho Identidade Timor-Leste Nian, Liu Hosi Fasilidade No Programa Edukativu Sira Iha SLXG Ho Nia Objetivu Atu Hakbiit Ema Hotu-Hotu, Nune’e Bele Kontribui Bá Dezenvolvementu Iha Timor-Leste.
Kada Loron Totál Visitór Sira Ne’ebé Mak Mai Vizita SLXG Entre Ema Na’in-Ualu Nulu To’o Liu Ema Atus Ida. Tuir Tabela Ne’e Hatudu Katak, Iha Tinan 2023 SLXG Nia Totál Vizitór Hamutuk 26.594 Hodi Asesu Fasilidade Sira. Fasilidade Ne’ebé Mak Sai Hanesan Vizitór Sira Nia Favóritu Mak Biblioteka Hodi Lee Livru No Partisipasaun Feto (56%) Mak Aas Liu Kompara Ho Partisipasaun Mane (46%) Iha Biblioteka.
Kalan Ida-Ne’e, Nia Hatutan, SLXG Marka Tinan 24 Ne’e Hanesan Simbolu Komitmentu Sala Leitura Nian Atu Promove Literásia No Edukasaun.
Nia Dehan, Simplesmente Sala Leitura Sai Ona Mata Dalan No Esperansa Ba Ema Barak, Fatin Atu Ema Hotu Atu Buka Belun No Aprende.
“Iha Selebrasaun Ida-Ne’e Ha’u Hakarak Fó Ha’u-Nia Onra Bá Esforsu Hosi Ami Nia Fundadora No Patrosinadór Sira Ne’ebé La Kolen Atu Hanoin Futuru Foin-Sa’e No Labarik Sira Iha Timor-Leste Liu Hosi Loke Fundasaun Sala Leitura Xanana Gusmão. Ha’u Mós Fó Apresiasaun Bá Funsionáriu, Voluntáriu, No Membru Konsellu SLXG Nian Ne’ebé Mak Servisu Makas Hodi Kontribui Bá Vizaun No Misaun SLXG Nian. Mai Ita Kontinua Haburas SLXG, Asegura Katak Fatin Ida-Ne’e Nafatin Sai Hanesan Fatin Bá Aprende, Kreatividade, No Haburas Personalidade,” Nia Enkoraza.
Objetivu Selebrasaun Ohin Kalan Ida-Ne’e Aleinde Selebra Aniversáriu Líder Kay Rala Xanana Gusmão No SLXG Nian, Iha Kalan Kmanek Ida-Ne’e Hakarak Halo Angariasaun Hodi Suporta SLXG Nia Programa No Fasilidade Sira.
Hanesan Organizasaun Naun Lukrativa, SLXG Mós Hasoru Difikuldade Barak. Dala Barak Ema Dehan SLXG Ne’e Di’ak Tanba Xanana Nian, Maibé Ekipa Bele Responde Ho Hamnasa De’it No Dehan “Sim SLXG Nia Naran Boot, Maibé Ekipa Ne’e Mós Kuitadu Hotu”.
Tanba Ne’e, Angariasaun Bá Ohin Kalan Ne’e Sei Dedika Bá:
- Halu’an Espasu, Iha Fotografia Balun Hatudu Katak, Estudante Sira Barak Mak Tuur De’it Ona Iha Rai Tanba Espasu Biblioteka La To’o Atu Akomoda Ema To’o Atus Ida.
- Fasilidade, Komputadór Bá Asesu Internet, Antes Ne’e Ekipa Fornese Komputadór Sanulu Bá Kliente Sira Hodi Asesu, Maibé Agora Iha De’it Komputadór Tolu Mak Funsiona Bá Kliente Sira Hodi Asesu Internet
- Fatin Bá Labarik: Espasu Beblioteka Nia Fasilidade Mínimu Liu Laiha Meza No Kadeira Bá Labarik Sira Hodi Tuur No Hakerek
- Programa Edukativu Sira Hanesan, Kompetisaun Hakerek Istória, Biblioteka Móvel Bá Komunidade, Programa Vizita Hosi Eskola No Komunidade.
Jestora Ne’e Konvida Atu Mai Hamutuk Ho Ekipa Festeza Eventu Ida-Ne’e No Konvida Ema Hotu-Hotu Hodi Fo Suporta Bá SLXG, Ekipa Fiar Katak Kontribuisaun Sira Ne’ebé Mak Ohin Kalan Hetan Sei Kontribui La’ós Tanba Líder Boot X No La’ós Tanba SLXG Maibé Tanba Hotu-Hotu Preokupa No Hakarak Atu Kontribui Bá Futuru Labarik No Joven Timoroan Sira Liu Hosi Fasilidade Edukasaun Ne’ebé Mak SLXG Fornese Hodi Hamoris Kultura Lee No Aprende.
Marka Prezensa Iha Eventu Espesiál Ne’e Mak Hanesan, Primeiru Ministru, Kay Rala Xanana Gusmão, Fundadora SLXG, Kirsty Sword Gusmão, Membru IX Governu Konstitusionál, Membru Parlamentu Nasionál (PM), Diplomata Sira, Doadór Sira No Konvidadu Sira.
Oras-Ne’e Daudaun Embaixada Japaun Iha Timor-Leste Hahú Halo Rehabilitasaun Bá Edifisiu Sala Leitura Xanana Gusmão Iha Lecidere, Díli.
