Tve-t,Dili : Terxa feira (02/07/2024) –Bankada opozisaun kmanek haburas unidade nasional timor oan (KHUNTO) Deputadu Antoninho Verdial, Hafoin hetan independesia povu iha area rurais to’o agora seidauk asesu eletrisidade ne’ebe di’ak nune’e iha Aldeia 6 husi Suku Maina 2, Maina 1 , Postu Lautem – Munisipiu Lautem (Zona Alto Laleno) nian ne’ebe populasaun refere kontinua uza kamii no ahi tradisional sira hodi sai naroman ba sira, tamba dadaduk ne’e Governo seidauk Instala Energia Eletricidade.
“Iha tinan 2015 liu ba Autoridade lokal hamutuk ho Veteranos sira submete ona proposta ba Ministerio das Obras Publica no Vise Ministro Eletricidade e saneamento, iha tinan 2018 kompania mobiliza ona material balun hanesan Ai – Ring maibe ate momentu ida ne´e seidauk iha certeza, ita lahatene bainhira los maka atu instala energia eletricidade ba populasaun sira iha aldeia 6 refere no ita ladauk hare iha lista projeitu anterior nian,”(02/07).
Tamba ne´e Bankada Khunto husu ba Ministerio relevante aseleira ona prosesu sira atu ita nia comunidade bele asesu ona eletricidade hanesan ho suku seluk, nune´e mos kompania nebe mobiliza ona matérial balun labele sai fali vitima.
Alende ida ne’e Bankada Khunto mos preokupa teb-tebes ho Sistema token energia/Sistema faan pulsa energia eletricidade nian nebe kuaze tinan ida ne’e tomak sempre faila ka error.
Horseik EDTL.ep aviza ba publiku katak Sistema faan pulsa/Token Energia Normaliza hikas ona, maibe realidade nebe ita hotu akompanha no infrenta direita iha Postu venda sira iha teritoriu tomak sei kontinua error hodi difikulta ba kliente konsumidores sira.
Ho ida ne’e Bankada Khunto levanta iha plenaria ohin hodi husu Ministerio relevante atraves Vise Ministro Asunto Parlamentar atu identifika lalais ninia kauza hodi bele normaliza hikas Sistema refere.
