Tve-t,Dili : Kuarta feira(03/07/2024) – Bankada opozisaun Kmanek Haburas Unidade Nasional Timor Oan(KHUNTO) liga ba timor oan sira ne’ebe ba servisu iha nasaun australia ne’ebe hetan MoU hodi fornese servisu ba timor oan sira ne’ebe hanaran seasonal worker program liu husi ajensia internasional ne’ebe ho naran ABC ne’ebe selu trabalhador la tuir kontratu ne’ebe iha hodi halo timor barak mak halai sai husi sistema
No agencia ida ne’e mos nia to’os ou nia kompania rasik la iha entaun nia lori ita nia timor oan sira ba fali servisu iha agencia seluk, tanba ne’e husu ba secretariadu SEFOPE atu halo kordenasaun ho embaisada Tl iha australia hodi rejolve problema ida ne’e no muda Timor oan sira ne’ebe servisu iha agencia internacional ABC ba fali agencia seluk hodi labele haterus ita nia trabalhadores sira iha Rai Australia. Nomos husu ba iha sefope atu kolabora mos ho sra.
Embaisada atu rezolve problema ita nia trabalhador ida ho naran TOMAS PEREIRA,Oan husi inan Anita Soares, nebe maka servisu iha compnia ida ho naran TASMANIA BERRIES nebe mate iha Australia tanba asidente trafiku, iha tinan kotuk ba maibe nian osan asuransia kompania refere ladauk selu to’o agora maske matebian nia inan rasik trata ona dokomentus matebian nian maibe laduk iha rezultadu to’o agora tanba ne hau husu ba sec. Sepfope no sra. Embaisada Timor iha autralia hodi kontaktu ho kompania nebe hau menciona iha leten atu rezolve assuntu ida ne.
Alende nemos ami husu atu aumenta recursu humanus ba adidu trabaldores sira iha australia hodi bele kontrola diak liu tan ita nia Timor oan nebe servisu iha território Autralia, tanba ita nia Timor oan barak maka servisu iha neba maibe tuir ninformasaun nebe maka hau foti husi eis adidu trabalhadores sira katak minus recursos hodi halo kontrolamentu ba ita nia servisu nain sira, tanba ne husu ba iha MENEC no sefope atu aumentu ita nia adidu sira iha Autralia hodi bele kontrola maximu ba ita nia emar sira nebe servisu iha neba.
Tan deit governu timor leste seidauk realiza mehi bo’ot hosi luta libertasaun ba povo maubere ida ne’e, hodi nun’e povo maubere nian oan sira ba buka moris iha ema nian rain hodi sustenta familia sira.
Antes atu semo ba australia sei iha akordu entre timor oan ho agencia nebe representa kompanha Australia kona-ba simu salariu kada fulan, maibe infelizmente to’o iha australia, kompanha sira halo fali redusan salarial ba timor oan sira nebe serbisu iha neba, entaun fo’o inserteza ho injustisa ba povo maubere ne’e ho aktu sira maka Timor oan balun hahu buka dalan sai husi sistema ida ne’e.
