Jenebra, 3 Outubru 2023
Prezidente José Ramos-Horta hato’o diskursu iha nia diskursu konferénsia ‘Building Bridges’, subliña nesesidade urjente ba instituisaun finanseiru globál, governu no entidade setór privadu atu kolabora hodi hadi’a dezafiu bootliu iha mundu.
Iha nia diskursu, Prezidente Ramos-Horta subliña impaktu devastadór husi COVID-19 no funu iha Ucrania, ba nível pobreza globál no estabilidade ekonomia. Nia enfatiza importansia atu foka ba investimentu ne’ebé sentra ba umanidade no ema, hodi kombate dezafiu sira ne’e. Xefe Estadu propoin versaun modernizadu husi ‘Planu Marshall’, konvida banku sira, fundasaun sira, universidade sira, grupu igreja, no família riku sira husi mundu tomak atu kontribui ba kauza ida ne’e.
Prezidente Ramos-Horta sujere katak Suisa, ho nia istória naruk kona-ba neutralidade no kooperasaun globál, bele lidera inisiativa ida ne’e. Nia husu komunidade globál atu kontinua foka no hili ho kuidadu saida mak importante liu hodi atinji progresu signifikante. Diskursu ida ne’e serve hanesan apelu ba asaun ba parte interesadu (stakeholder) hotu-hotu atu servisu hamutuk hodi hetan futuru ne’ebé sustentável liu no justu.
Fontes, Mídia PR//
