Reportajen, Ezequiel das Neves Husi Liberia
TVET-LIBERIA, 10/10/2023 : Povu Liberia intuziasmu tuir eleisaun jeral ( Parlamentar – Presidensial ) ne’ebe halao iha loron 10 fulan outubro 2023 hodi hili sira nia Prezidente Republika, Asembleia Lezislativa iha deputadu nain 73 no senadores nain 15, dehan Sekretariu Jeral g7+ ( Observador TL ) Helder da Costa ba Jornalista iha sentru votasaun segundo 004 iha sidade monrobia – Liberia
“,Ami mai hanesan delegasaun misaun observador organizasaun g7+ ba iha Eleisaun Presidensial Parlamentar iha nasaun Liberia. Povu Liberia ho intuziasmu mai vota ita iha polin staf lubuk ida no iha populasaun hamutuk 2,5 miloens votante neebe mak ohin mai hodi ezerse sira nia direito hodi hili sira nia Presidente Republika no vota ba sira nia Asembleia lezislativa iha deputadu nain 73 nomos senadores nain 15 “ tenik nia
Helder hateten, Presidente Republika Liberia dadauk nee reativa hikas nia an iha segundu mandatu tinan ida nee no nia konkore ho 20 resin konkorentes ba iha posizaun Presidenti Republika nasaun Liberia nian
Tuir Helder katak Obsevador Internasional ( The carther center, Uniaun Afrikanu,Uniaun Europeia CDAO ECOAS no Organizasaun g7+ nota katak eleisaun jeral Liberia iha tinan ida nee lao diak tebes no transparante
“ Ema hotu mai iha sentru votasaun, sira vota hatudu disiplina, sira vota tuir liña no pasifiku ema neebe mak idozu no inan ho bebe labarik kiik difisiensia,ferik katuas no sira neebe mak idade 50 ba leten forma ketak no sira disciplina tebes hodi fo prioridade ba sira mak sei vota uluk hanesan mos votasaun iha Timor Leste “ Hakotu Nia
