Reportajen Ezequiel das Neves
TVE-T- LIBERIA, 11/10/2023 – Ita kongratula povu Liberia tanba susesu tuir Eleisaun Jeral ( Presidensial-Parlamentar ) ne’ebe realiza iha loron 10 fulan outubro 2023 la’o ho situasaun hakmatek, sivilizadu no tranquilidade, hahu husi Kampaña eleitoral iha loron 15 fulan agostu to’o fulan outubru 2023 ne’ebe lao diak tebes hodi hili sira nia Prezidente, Vise Prezidente no membro asembleia lezislativa. Dehan Sekretariu Jeral g7+ ( observador ) Helder da Costa ba Jornalista iha Liberia
“ Ema barak mak tuir Kampaña lao ho ambiente ne’ebe hakmatek, pasifiku no nasiobilidade no la rejistu krime no violensia. Ami hare katak iha atividade Kampaña lubuk ida ne’ebe mak kuaze hanesan ho nasaun membru g7+ sira seluk. iha mos pontus balu ne’ebe mak diferente “ tenik nia
Iha fatin hanesan Xefe operasional g7+ Felix Piedade ( Observador ) identifika pontus tolu importante : Primeiru militante partidu sira lao ho ain mobiliza komunidade nebe mai husi suku no vila nebe diferente ne’ebe organizadu
Segundo, Atividade Kampaña iha Liberia militante sira lao ain tuir movimentu ne’ebe mak hanesan no Terseiru wainhira observador internasional to’o iha fatin atividade Kampaña sira hetan seguransa maximu husi partidu nian, respeitu , fo atensaun no asegura ema nebe halo observasaun ba Kampaña, Hakotu Nia
Hare mos vidio Topiku Atual iha kanal tvet
