𝐃𝐢𝐥𝐢, 𝟏𝟓/𝟏𝟎/𝟐𝟎𝟐𝟑: Ministériu Dezenvolvimentu Rural no Habitasaun Komunitária (MDRHK), realiza enkontru Mini Komisaun Orsamentu (KRO), hodi konsolida planu, programa no atividade neebé sei sai orsamentu iha 2024.
Realizasaun Enkontru Mini Komisaun Orsamentu, nee bazeia ba despaixu Ministru MDRHK, Eng. Mariano ASSANAMI Sabino, Objetivu husi KRO ida nee atu konsolida no diskuti planu, programa no atividade neebe sei sai orsamentu iha tinan 2024.
Liu husi sorumutu nee atu prepara materiais teknika hodi ba aprezenta KRO Ministériu Finansas (MF), preparasaun submisaun orsamentu 2024 ba MF ho senariu tolu (3), hodi kumpri pakote, proposta orijinál no proposta Media.
Iha okaziaun nee, Ministru MDRHK, Eng. Mariano ASSANAMI Sabino, konsidera ministériu refere nudar ministériu foun ida neebé foin ejiste depois tinan 20 konstrusaun nasaun.
Ministériu Dezenvolvimentu Rúral ne’e ministériu zonas, laos ministériu sektóral hanesan, Edukasaun, Saúde, no Agrikultura, maibé Dezenvolvimentu Rúral ne’e zonas katak urbana ho rurais.
“Dezenvolvimentu iha área Rúral laós ita mesak mak halo, dezenvolvimentu lubuk ida lao tiha ona, Edukasaun, Saúde, Agrikultura, Estrada Rurais lao tiha ona, ema halo ona buat lubuk ida, maibé ita mak ministériu ne’ebé koordena, organiza, no sinkroniza atividade hotu iha área rural neeba,” dehan Ministru MDRHC, iha Salaun City 8, Manleuana, Dili.
Atu garantia funsionamentu ministériu nian hodi implementa polítika no programa hodi dezenvolve povu nia moris mak funsionariu ministériu nian hotu-hotu tenke iha responsabilidade, respeitu malu, disiplina no dignifika malu hodi presta servisu neebé diak ba bem estar povu no nasaun.
Iha fatin hanesan, Xefi Gabinete MDRHC, Sr. Mariano Fernandes Xavier Malik, agradese no kompromete sei hatudu prestasaun servisu ne’ebé di’ak hamutuk ho funsionariu tomak Ministériu nian, nune’e bele lori bem star ba ema hotu.
“Iha ne’e hau atu hato’o de’it liafuan badak kona-ba atividade loron tolu ne’ebé mak halo hamutuk iha ne’e atu haree kona-ba Planu Orsamentu Ministériu nian ba iha 2024, ami hamutuk konsege formula orsamentu, formula Planu Programa ba Dezenvolvimentu Rúral nian hetan asistensia husi Asesor sira hotu,” dehan Sr. Malik.
Iha atividade loron tolu nee ekipa diskuti orsamentu ministériu nian ne’ebé atribui husi MF hanaran pakote fiskal MDRHC iha tokon $1.3, ekipa halo exersisiu ba iha orsamentu tokon $1.3 ba kategoria ne’ebé tuir Sistema Finansas nian.
Halo exersisiu mós ba orsamentu adisionál tokon $10, haree ba atividade ministériu nian katak, labele kobre husi tokon $1.3, entaun halo exersisiu ba iha tokon $10 atu bele kobre de’it ba atividade iha tinan oin.
Senariu seluk mak nafatin mantein pakote ne’ebé MDRHC submete ba MF tokon $23, husi sesaun ida ne’e defini atribuisaun ba diresaun ida-idak tuir tarefa servisu ba nesesidade diresaun jerál ida-idak nian.
Husi atividade nee aproveita rona aprezentasaun husi tekníku sira no atividade nee hanesan meius hodi hametin unidade, amizade husi funsionariu hotu-hotu para oinsá fó hanoin ba malu atu bele halao ministériu ida ne’e iha lideransa Ministru Dezenvolvimentu Rúral Eng. Mariano Assanami Sabino Lopes nia orientasaun.
Enkontru nee halao ona iha loron 12/10 no remata iha 15/10/2023, partisipa iha enkontru refere mak hanesan, Diretór Jerál, Diretór nasionál, Asesor, Tekníku espesializadu sira no seluk tan
TVET & 𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂
+16
Semua tanggapan:
296
