𝐃𝐢𝐥𝐢,𝟏𝟖/𝟏𝟎/𝟐𝟎𝟐𝟑: Vice-Primeiro Ministro, Ministro Coordenadór dos Assuntos Sociais, Ministro do Desenvolvimento Rural e Habitação Comunitária Eng. Mariano ASSANAMI Sabino, reprejenta Sua Exelensia Primeiru-Ministru, Kay Rala Xanana Gusmão, halo abertura ba Feira Empreendedorizmu Foisae 2023, iha Timor-Plaza.
Feira nee ho tema “Joven Nuudar Ajente ba Mundansa Hasae Kriasaun Empregu no Promove Diversifikasaun Ekonomia liu husi Inovasaun no Empreendedorizmu”.
Iha eventu nee, Vise-Primeiru Ministru, kongratula joven kreativu no inovativu sira atu kontinua organiza aan sai ajente dezenvolvimentu ekonomia husi baze.
“Hau nudar Vise-Primeiru Ministru, no reprejenta Primeiru Ministru, Kay Rala Xanana Gusmão, hakuak boot no apresia ba joven sira hotu neebé partisipa eventu nee no hakuak boot sira neebé apoiu hanesan KOICA, UNDP no sira seluk, mai ita hamutuk luta ba joven sira nia properiedade liu husi atividade empreendedorizmu,” dehan, VPM, iha Timor-Plaza.
Vise-Primeiru Ministru, husu ba partisipante liu-liu ba joven sira hotu kontinua badinas hatudu nafatin abilidade neebé iha, labele tauk monu, maibé karik monu tenke hambrik fila fali hodi halao atividade.
Tanba nee aproveita eventu nee hodi aprende durante loron tolu, hahú husi loron Kuarta too Sesta 18-20, Outubru 2023.
Joven sira labele sente mesak, governu nafatin iha politika hodi apoiu atividade joven sira neebé iha kretividade no inovativu hodi lori nasaun nee ba oin.
TVE & 𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂
